Tihlabelelo 125 - Siswati 1996 Bible

Siphephelo sesive saNkulunkulu

Ingoma yekuya emikhosini.

¹ Labo labetsembele kuSimakadze bafanana neNtsaba iSiyoni, lengeke itanyatanyiswe, kodvwa leyawuma kuze kube phakadze.

² Njengobe tintsaba tihace iJerusalema, kanjalo Simakadze uhace sive sakhe, kusukela manje kuze kube phakadze.

³ Umbuso walababi ungeke ubuse eveni lalabalungile, funa nalabalungile bese benta lokubi.

⁴ Simakadze, yenta lokuhle kulabo labalungile, bona labo labacotfo ngenhlitiyo.

⁵ Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!