Jobe 25 - Siswati 1996 Bible

Bildadi

¹ Bildadi, umShuhi, waphendvula, watsi:

² “Ligunya nekwesabeka kwaNkulunkulu losungula kuthula etulu emazulwini.

³ Kukhona yini longabala emabutfo akhe? Kukhona yini lokungafiki kuye kukhanya kwakhe?

⁴ Pho, umuntfu angaba ngulolungile kanjani kuNkulunkulu? Umuntfu lotelwe ngumfati angaba ngulohlantekile kanjani?

⁵ Nangabe ngisho nenyanga ingakhanyi, nangabe ngisho netinkhanyeti tingakahlanteki emehlweni akhe,

⁶ kakhulu kangakanani-ke umuntfu loyimphehla, yebo, indvodzana yemuntfu losibungu nje kuphela!”