Zaburi 70 - BIBLIA Maandiko Matakatifu Kwa Watu Wote 2002

Kuomba musaada

¹ Kwa mukubwa wa waimbaji. Zaburi ya Daudi inayoelekea sadaka yake ya ukumbusho.

² Ee Mungu, uniokoe! Ee Yawe, ukuje haraka unisaidie.

³ Wapate haya na kufezeheka wanaotaka kuniua! Warudi nyuma na kufezeheka wanaonitakia hasara!

⁴ Wapumbazike kwa haya, hao wanaofurahia kunizomea!

⁵ Lakini wote wanaokutafuta, wafurahi na kushangilia kwa sababu yako. Wote wanaopenda wokovu wako, waseme siku zote: “Mungu ni mukubwa!”

⁶ Nami ninayekuwa masikini na mukosefu, unifikie haraka, ee Mungu! Wewe ndiwe musaada wangu na mukombozi wangu. Ee Yawe, usikawie!