Zaburi 5 - BIBLIA Maandiko Matakatifu Kwa Watu Wote 2002

Maombi wakati wa hatari

¹ Kwa mukubwa wa waimbaji. Kwa filimbi. Zaburi ya Daudi.

² Ee Yawe, usikilize maneno yangu, usikie malalamiko yangu.

³ Usikilize kilio changu, Mufalme wangu na Mungu wangu, maana wewe ndiwe ninayekuomba.

⁴ Ee Yawe, kwa mapambazuko unasikia sauti yangu, asubui ninakutolea sadaka yangu, kisha ninangojea unijibu.

⁵ Wewe si Mungu anayependa ubaya; mwovu hawezi kupokelewa kwako.

⁶ Wewe haupendi kuwaona wenye majivuno; wewe unawachukia wote wanaotenda maovu.

⁷ Unawaangamiza wote wanaosema uongo; unawachukia wauaji na wadanganyifu.

⁸ Lakini, kwa wingi wa wema wako, mimi nitaingia ndani ya nyumba yako; nitainama kwa heshima kuelekea hekalu lako takatifu.

⁹ Ee Yawe, katika haki yako, uisawanishe njia yako mbele yangu. Uniongoze kwa sababu ya waadui zangu.

¹⁰ Ndani ya vinywa vyao hamuna ukweli wowote; mioyo yao imejaa maangamizi, koo zao ni kama kaburi wazi, ndimi zao zimejaa udanganyifu.

¹¹ Ee Mungu, uwaazibu kwa makosa yao, waanguke katika mipango yao wenyewe; uwafukuze inje kwa sababu ya zambi zao nyingi, kwa sababu wamekuasi wewe.

¹² Lakini wanaokimbilia kwako wafurahi wote, waimbe kwa shangwe siku zote. Uwalinde wanaolipenda jina lako, kusudi wapate kushangilia kwa sababu yako.

¹³ Maana wewe Yawe unawabariki watu wa haki; unawakinga kwa upendo wako kama kwa ngao.