Zaburi 146 - BIBLIA Maandiko Matakatifu Kwa Watu Wote 2002

Sifa kwa Mungu Mwokozi

¹ Haleluia! Ee nafsi yangu, umusifu Yawe!

² Nitamusifu Yawe maisha yangu yote; nitamwimbia Mungu wangu muda wote nitakapoishi.

³ Musiwategemee wakubwa wa dunia; hao ni wanadamu tu, hawawezi kuokoa.

⁴ Mwanadamu akitoa pumzi yake ya mwisho, anarudi katika mavumbi alimotoka, na hapo mipango yake yote inatoweka.

⁵ Heri mutu anayesaidiwa na Mungu wa Yakobo, mutu anayemutumainia Yawe, Mungu wake,

⁶ aliyeumba mbingu na dunia, bahari na vyote vinavyokuwa ndani yao. Yeye anashika ahadi yake milele.

⁷ Yeye anawapatia wanaoonewa haki yao, anawapa wenye njaa chakula. Yawe anawapa wafungwa uhuru,

⁸ anawafungua vipofu macho. Yawe anawainua waliogandamizwa; anawapenda watu wa haki.

⁹ Yawe anawalinda wageni, anawasaidia wajane na wayatima; lakini anaharibu mipango ya waovu.

¹⁰ Yawe anatawala milele. Mungu wako, ee Sayuni, ni mufalme kwa vizazi vyote! Haleluia!