Yoeli 4 - BIBLIA Maandiko Matakatifu Kwa Watu Wote 2002

Mungu atayahukumu mataifa

¹ Kwa wakati ule, na katika siku zile nitakapowarudisha tena watu wa Yuda na Yerusalema katika hali yao ya mbele,

² nitayakusanya mataifa yote, niyapeleke katika bonde linaloitwa: “Yawe anahukumu”. Huko nitayahukumu mataifa hayo, kwa mambo waliyowatendea watu wangu Waisraeli, hao wanaokuwa mali yangu mimi mwenyewe. Maana waliwatawanya kati ya mataifa, waligawanya inchi yangu

³ na kugawanya watu wangu kwa kupiga kura. Waliuzisha vijana wanaume kwa kuhonga kahaba, na wabinti kwa kupata divai.

⁴ Munataka nini juu yangu enyi watu wa Tiro na Sidona na maeneo yote ya Filistia? Munataka kunilipiza kisasi? Kama munalipiza kisasi, mimi nitawalipiza mara moja!

⁵ Mumetwaa feza na zahabu yangu, na kuvibeba vitu vyangu vya bei kali mpaka kwenye mahekalu yenu.

⁶ Mumewapeleka watu wa Yuda na Yerusalema mbali na inchi yao, mukawauzisha kwa Wagriki.

⁷ Sasa, nitawarudisha watu wangu kutoka kule mulikowauzisha. Nitawalipiza kisasi kwa yote muliyowatendea.

⁸ Nitawauzisha watoto wenu wanaume na wanawake kwa watu wa Yuda, nao Wayuda watawauzishia watu wa Seba, watu wa taifa la mbali kabisa. –Ni Yawe anayesema hivyo.

⁹ Muwatangazie watu wa mataifa jambo hili: Mujitayarishe kwa vita, muwaite mashujaa wenu; waaskari wote wakusanyike, waende mbele.

¹⁰ Mufue majembe yenu kuwa mapanga, visu vyenu vikubwa vikuwe mikuki. Hata yule anayekuwa zaifu aseme: “Mimi vilevile ni shujaa”.

¹¹ Mukuje upesi, enyi mataifa yote jirani, mukusanyike kule katika bonde. Ee Yawe! Telemusha waaskari wako kuwashambulia!

¹² Mataifa haya yajiweke tayari; yakuje kwenye bonde la Yawe Anahukumu. Kule, mimi Yawe, nitaikaa kwa kuyahukumu mataifa yote jirani.

¹³ Mutwae kisu cha kuvuna, maana sasa ni wakati wa mavuno. Muingie! Muwapondeponde kama zabibu ambazo zimejaza kikamulio. Uovu wao umepita kipimo kama mitungi inayofurika.

¹⁴ Wanafika makundi kwa makundi kwenye bonde la Hukumu, maana siku ya Yawe imekaribia.

¹⁵ Jua na mwezi vinatiwa giza, na nyota zimeacha kuangaza.

Mungu atawabariki watu wake

¹⁶ Yawe ananguruma kule Sayuni; sauti yake inavuma kutoka Yerusalema; mbingu na dunia vinatetemeka. Lakini Yawe ni kimbilio la watu wake, ni kikingio cha usalama kwa Waisraeli.

¹⁷ Hapo, enyi Waisraeli, mutajua kwamba mimi ni Yawe, Mungu wenu, ninakaa Sayuni, mulima wangu mutakatifu. Muji Yerusalemu utakuwa muji mutakatifu; na wageni hawatapita tena ndani yake.

¹⁸ Wakati ule, divai mupya itatiririka juu ya milima, na maziwa yatatiririka juu ya milima. Vijito vyote vya Yuda vitajaa maji; chemichemi itatokea ndani ya nyumba ya Yawe, na kulinyweshea bonde la Sitimu.

¹⁹ Misri itakuwa matongo, Edomu itakuwa jangwa tupu, kwa sababu waliwashambulia watu wa Yuda wakawaua watu wasiokuwa na kosa.

²⁰ Lakini inchi ya Yuda itakaliwa na watu kwa milele, na Yerusalema kwa kizazi hata kizazi.

²¹ Nitawaazibu waliomwanga damu ya watu wa Yuda wala sitawaachilia wenye makosa. Yawe anakaa Sayuni.