Yobu 37 - BIBLIA Maandiko Matakatifu Kwa Watu Wote 2002

¹ Kutokana na hayo, moyo wangu unatetemeka, na kuruka kutoka pahali pake.

² Musikilize ngurumo ya sauti ya Mungu, na muvumo wa sauti kutoka ndani ya kinywa chake.

³ Anafanya uenee chini ya mbingu yote, anaeneza umeme wake katika pembe zote za dunia.

⁴ Halafu sauti yake inanguruma, sauti ya Mungu inanguruma kwa utukufu; yeye hazuizi umeme wakati inaposikilika.

⁵ Mungu anapiga radi ya ajabu kwa sauti yake, anafanya mambo makubwa tusiyoweza kuyaelewa.

⁶ Anaiambia teluji: “Anguka juu ya inchi!” na manyunyu na mvua: “Nyesha kwa nguvu.”

⁷ Anafunga shuguli za kila mutu kusudi watu wote watambue kazi yake.

⁸ Nyama wa pori wanarudi katika maficho yao na kubaki katika mapango yao.

⁹ Zoruba inavuma kutoka chumba chake, na baridi kali kutoka katika gala yake.

¹⁰ Kwa pumzi ya Mungu barafu inatokea, uso wa maji unaganda kwa haraka.

¹¹ Mungu analijaza wingu manyunyu mazito; mawingu yanasambaza umeme wake.

¹² Kwa amri yake vyote vinazunguka huku na kule, kutimiza kila kitu anachoviamuru, kufanya katika ulimwengu wa viumbe.

¹³ Mungu anatimiza mapenzi yake katika dunia, ikuwe ni kwa ajili ya kuwaazibu watu, au kwa ajili ya kuonyesha wema wake.

¹⁴ Unapaswa kusikiliza Yobu! Nyamaza, usikilize maajabu ya Mungu.

¹⁵ Unajua jinsi Mungu anavyovipa amri yake, na kuyafanya umeme wa mawingu yake uangae?

¹⁶ Unajua jinsi mawingu yanavyoelea katika anga? Ndizo kazi za ajabu za yule anayekuwa mukamilifu wa maarifa!

¹⁷ Wewe unajiona umevaa nguo za joto sana, wakati upepo wa kusini unapovuma juu ya inchi.

¹⁸ Unaweza kuzitandaza mbingu kama yeye hata zikuwe ngumu kama kioo cha shaba?

¹⁹ Utufundishe tutakachomwambia Mungu; maana masemi yetu si wazi, tuko katika giza.

²⁰ Yeye anahitaji kujulishwa kwamba ninataka kusema? Au mutu anaweza kujitakia kuangamizwa?

²¹ Kwa rafla mutu hawezi tena kuona waziwazi: Jua limefichwa nyuma ya mawingu, na upepo umesafisha anga!

²² Mwangaza muzuri unatokea upande wa kaskazini; Mungu amezungukwa na utukufu wa kutisha.

²³ Mungu Mwenye Uwezo asiyeweza kufikiwa na mutu, uwezo na haki yake ni mukubwa. Amejaa haki wala hapotoshi sheria hata kidogo.

²⁴ Kwa hiyo, watu wote wanamwogopa. Yeye hawajali watu wanaojiona kuwa wenye hekima.