Yobu 35 - BIBLIA Maandiko Matakatifu Kwa Watu Wote 2002

¹ Kisha Elihu akaendelea kusema:

² Yobu, unaona jambo hili ni sawa? Unasema: “Mimi ni mwenye haki mbele ya Mungu.”

³ Tena unauliza: “Nimepata faida gani kama sikutenda zambi? Nimefaidika kuliko kama vile ningetenda zambi?”

⁴ Mimi nitakujibu wewe na warafiki zako vilevile.

⁵ Basi uangalie mbingu! Angalia mawingu yanayokuwa juu kuliko wewe!

⁶ Ukitenda zambi, Mungu ndiye unayemuzuru? Na kama ukizidisha makosa yako, unazani unamwumiza?

⁷ Kama wewe ni mwenye haki, unamupatia faida, au yeye anapokea kitu kutoka kwako?

⁸ Uovu wako utamuzuru mwanadamu kama wewe, haki yako itamufalia mwanadamu mwenzako.

⁹ Kwa sababu ya mateso mengi watu wanalia, wanaomba musaada kwa sababu ya mapigo ya wenye nguvu.

¹⁰ Lakini hakuna anayesema: “Yuko wapi Mungu, Muumba wangu, mwenye kunifanya nichangamuke usiku,

¹¹ anayetuelimisha kuliko nyama, na kutufanya wenye hekima kuliko ndege!”

¹² Watu wale wanaomba musaada lakini Mungu hawajibu, kwa sababu ya majivuno ya watu waovu.

¹³ Kweli Mungu hasikilizi kilio cha bure; Mungu Mwenye Uwezo hajali kilio kile.

¹⁴ Atakujibu namna gani wakati wewe unasema kwamba haumwoni na kwamba maneno yako iko mbele yake na wewe unamungojea!

¹⁵ Sasa, kwa vile Mungu anazuia hasira yake, wala hajali sana makosa ya watu,

¹⁶ Yobu anafungua kinywa kusema maneno matupu, anazidisha maneno bila akili.