Yobu 21 - BIBLIA Maandiko Matakatifu Kwa Watu Wote 2002

¹ Kisha Yobu akajibu:

² Musikilize kwa uangalifu maneno yangu; na hiyo ikuwe ndiyo faraja yenu.

³ Munivumilie, nami nitasema, na nikisha sema muendelee kunichekelea.

⁴ Basi, mimi ninamulalamikia mwanadamu? Kwa nini basi nikose uvumilivu?

⁵ Muniangalie, nanyi mushangae, muweke mikono yenu juu ya vinywa vyenu.

⁶ Nikifikiri yaliyonipata ninafazaika, mwili wangu unatetemeka kwa hofu.

⁷ Kwa nini waovu wanaendelea kuishi? Mbona nguvu zao zinaongezeka hata katika uzee?

⁸ Wanaona watoto wao wakifanikiwa na wazao wao wakipata nguvu.

⁹ Kwao kila kitu ni salama bila hofu, wala fimbo ya Mungu haiwafikii.

¹⁰ Kweli, ngombe wao wote wanaongezeka, wanazaa bila matatizo yoyote.

¹¹ Watoto wao wachanga wanatembea kama kundi; na watoto wao wanacheza ngoma;

¹² wanacheza muziki wa ngoma na vinubi, na kufurahia sauti ya filimbi.

¹³ Wanaishi maisha ya fanaka kisha wanashuka kwa amani katika kuzimu.

¹⁴ Wanamwambia Mungu: “Usitusumbue! Hatutaki kujua mapenzi yako.

¹⁵ Mungu Mwenye Uwezo ni nini hata tumutumikie? Tunapata faida gani tukimwomba?”

¹⁶ Kufanikiwa kwao si kuko katika mikono yao, wakiwa wamemuweka Mungu mbali na mipango yao?

¹⁷ Mara ngapi umepata kuona mwangaza wa maisha ya mwovu umezimishwa na kupatwa na hasara? Au Mungu amekwisha kuwaangamiza kwa hasira yake?

¹⁸ Hata hivyo, wapeperushwe kama majani yenye kukauka, wakuwe kama maganda yanayopelekwa na zoruba!

¹⁹ Ninyi munasema: “Mungu amewawekea watoto wao azabu ya watu wale waovu.” Kwa nini hawalipizi wao wenyewe, wapate kutambua?

²⁰ Waone wenyewe maangamizi yao; waone wenyewe kasirani ya Mungu Mwenye Uwezo.

²¹ Maana siku zao zitakapokwisha, watajali nini juu ya wazao wao?

²² Mwanadamu anaweza kumufundisha Mungu maarifa, Mungu ambaye anahukumu wakaaji wa mbinguni?

²³ Mutu mumoja anakufa mwenye nguvu tele, akiwa katika raha na salama,

²⁴ akijaa mafuta tele katika mwili, na mifupa yake ikiwa bado na nguvu.

²⁵ Mwingine anakufa na huzuni kubwa ndani ya moyo, akiwa hajaonja bado jambo lolote jema.

²⁶ Hata hivyo, wote wanakufa na kuzikwa, wote wanafunikwa na vidudu.

²⁷ Musikilize! Mimi ninajua mawazo yenu yote, na mipango yenu ya kunizarau.

²⁸ Ninyi munauliza: “Iko wapi nyumba ya yule mukubwa? Iko wapi nyumba mwovu alimoishi?”

²⁹ Hamujawauliza wapita njia? Hamukufahamu habari zao?

³⁰ Mwovu anaponyeshwa siku ya hasara, anaokolewa siku ya kasirani!

³¹ Ni nani atakayemwonyesha makosa yake, au atakayemulipa kwa yote aliyotenda?

³² Anapokamatwa kupelekwa katika kaburi, kaburi lake linalindwa.

³³ Nyuma yake watu wengi wanamusindikiza na wengine wengi sana wanamutangulia. Anapozikwa, udongo unateremushwa polepole.

³⁴ Mutaweza namna gani basi, kunifariji kwa maneno matupu? Majibu yenu hayana kitu chochote lakini uongo tu.