Yobu 13 - BIBLIA Maandiko Matakatifu Kwa Watu Wote 2002

¹ Sikia! Hayo yote nimeyaona kwa macho yangu. Nimeyasikia kwa masikio yangu mwenyewe na kuelewa.

² Yote munayoyajua, mimi vilevile ninayajua. Mimi si mutu wa akili ndogo kuliko ninyi.

³ Lakini ningependa kusema na Mungu Mwenye Uwezo, ninatamani kujitetea mbele ya Mungu.

⁴ Lakini ninyi munapakaa uongo chokaa, ninyi wote ni waganga wasiofaa kitu.

⁵ Heri mungekaa kimya kabisa, muonekane kwamba muna hekima!

⁶ Musikilize basi utetezi wangu, munisikilize ninapojitetea.

⁷ Munazani munamutumikia Mungu kwa kusema uongo na udanganyifu?

⁸ Munajaribu kumupendeza Mungu? Mutamutetea Mungu katika tribinali?

⁹ Akiwachunguza, ninyi mutapona? Au munazani munaweza kumudanganya Mungu kama watu?

¹⁰ Hakika yeye atawakaripia kama mukionyesha upendeleo kwa siri.

¹¹ Utukufu wake hauwatishi? Hamupatwi na hofu juu yake?

¹² Masemi yenu ni mezali za majivu, maneno yenu ni ukuta wa udongo.

¹³ Munyamaze, nami niseme. Kitu kitakachonipata, kinipate.

¹⁴ Niko tayari hata kuhatarisha maisha yangu.

¹⁵ Mungu aniue akitaka; sina la kupoteza. Hata hivyo nitautetea mwenendo wangu mbele yake.

¹⁶ Kama nikiweza kwa hiyo nitakuwa nimeshinda, maana mutu mwovu hawezi kwenda mbele yake.

¹⁷ Musikilize kwa uangalifu maneno yangu, maelezo yangu yatue katika masikio yenu.

¹⁸ Maneno yangu nimeyatarisha jinsi inavyofaa. Ninajua kwamba sina kosa.

¹⁹ Nani atakayebishana nami? Niko tayari kunyamaza na kufa.

²⁰ Mungu wangu, unijalie tu mambo haya mawili, nami sitajificha mbali na wewe:

²¹ kwanza uniondolee mukono wako unaonipiga, na usiniogopeshe kwa kitisho chako.

²² Uanze kusema maneno yako nami nikujibu. Au mimi nianze, nawe unijibu.

²³ Makosa na zambi zangu ni ngapi? Unijulishe kosa na zambi yangu.

²⁴ Mbona unageuza uso wako mbali nami? Kwa nini unanitendea kama adui yako?

²⁵ Utatikisatikisa jani linalopeperushwa, au kukimbiza nyasi iliyokauka?

²⁶ Wewe umetoa mashitaki makali juu yangu, na kunibebesha zambi za ujana wangu.

²⁷ Unanifunga minyororo kwenye miguu, unachunguza njia zangu zote, umeichapa miguu yangu.

²⁸ Nami ninaisha kama muti uliooza, kama nguo iliyokuliwa na nondo.