Yoane 11 - BIBLIA Maandiko Matakatifu Kwa Watu Wote 2002

Kufa kwa Lazaro

¹ Kulikuwa mutu mumoja aliyeitwa Lazaro, muzaliwa wa Betania aliyepatwa na ugonjwa. Wadada zake Maria na Marta walikaa katika kijiji kile.

² (Huyu Maria ndiye yule aliyemupakaa Bwana marasi na kupanguza miguu yake na nywele zake, na ni Lazaro kaka yake ndiye alikuwa mugonjwa.)

³ Hawa wadada wawili wakatuma habari hii kwa Yesu: “Bwana, rafiki yako mupendwa ni mugonjwa.”

⁴ Wakati Yesu aliposikia habari hii, akasema: “Tukio la ugonjwa huu si la kumwua, lakini shabaha yake ni kuonyesha utukufu wa Mungu na kusudi Mwana wa Mungu atukuzwe.”

⁵ Yesu aliwapenda Marta na dada yake pamoja na Lazaro.

⁶ Yesu aliposikia kwamba Lazaro yuko mugonjwa, akabaki tena kwa muda wa siku mbili pahali alipokuwa.

⁷ Kisha akawaambia wanafunzi wake: “Turudi Yudea.”

⁸ Wanafunzi wakamwambia: “Mwalimu, hakujapita siku nyingi tokea pale Wayuda walipotaka kukutupia mawe, na sasa unataka kwenda tena kule!”

⁹ Yesu akajibu: “Katika muchana kuna saa kumi na mbili. Kama mutu akitembea wakati wa muchana hajikwai, kwa sababu anaona mwangaza wa dunia hii.

¹⁰ Lakini kama mutu akitembea usiku, anajikwaa, kwa sababu hana mwangaza ndani yake.”

¹¹ Yesu alipokwisha kusema maneno haya, akaongeza kuwaambia: “Rafiki yetu Lazaro amelala usingizi, lakini ninakwenda kumwamusha.”

¹² Basi wanafunzi wake wakamujibu: “Bwana, ikiwa amelala usingizi, atapona.”

¹³ Yesu alikuwa akisema kwamba Lazaro amekufa, lakini wanafunzi wake walizani kwamba amesema juu ya kulala usingizi.

¹⁴ Basi Yesu akawaambia waziwazi: “Lazaro amekufa.

¹⁵ Nami ninafurahi kwa ajili yenu, kwa sababu sikukuwa kule, kusudi mupate kuamini. Tuende kule anapokuwa.”

¹⁶ Basi Toma, anayeitwa “Pacha,” akawaambia wanafunzi wenzake: “Nasi tuende vilevile, tukufie pamoja naye.”

Yesu ni ufufuko na uzima

¹⁷ Wakati Yesu alipofika, akamukuta Lazaro amekwisha kuzikwa tangu siku ine.

¹⁸ Kati ya kijiji cha Betania na Yerusalema kulikuwa umbali yapata kilometre tatu.

¹⁹ Wayuda wengi walikuwa wamekuja kwa Marta na Maria kwa kuwafariji kwa ajili ya kifo cha kaka yao.

²⁰ Marta aliposikia kama Yesu anakuja, akaenda kumupokea katika njia, lakini Maria alibaki ndani ya nyumba.

²¹ Marta akamwambia Yesu: “Bwana, kama ungekuwa hapa, kaka yangu hangekufa.

²² Lakini ninajua kwamba hata sasa, kitu chochote utakachomwomba Mungu, atakupa.”

²³ Yesu akamwambia: “Kaka yako atafufuka.”

²⁴ Marta akajibu: “Ninajua kwamba atafufuka wakati watu watakapofufuka siku ya mwisho.”

²⁵ Yesu akamwambia: “Mimi ni ufufuko na uzima, kwa maana anayeniamini, ataishi tena hata ikiwa amekufa.

²⁶ Vilevile yeyote anayeishi ndani yangu na kuniamini, hatakufa hata milele. Unaamini maneno haya?”

²⁷ Akamujibu: “Ndiyo, Bwana, ninaamini kwamba wewe ni Kristo, Mwana wa Mungu, yule aliyepaswa kuja katika dunia.”

Yesu anafufua Lazaro

²⁸ Marta alipokwisha kusema maneno hayo, akaenda kumwita dada yake Maria na kumwambia kwa siri: “Mwalimu amekuja, na anakuita.”

²⁹ Wakati Maria aliposikia hivi, akaondoka upesi kwenda kumukuta.

³⁰ (Yesu alikuwa hajaingia bado katika kijiji, alikuwa angali pahali Marta alipomukuta.)

³¹ Wakati wale Wayuda waliokuwa ndani ya nyumba pamoja na Maria kwa kumufariji walipomwona akisimama upesi na kutoka, wakamufuata. Walizani kama anakwenda kulia kwenye kaburi.

³² Maria alipofika pale Yesu alipokuwa na kumwona, akaanguka kwenye miguu yake na kusema: “Bwana, kama ungekuwa hapa, kaka yangu hangekufa.”

³³ Wakati Yesu alipomwona akilia, na wale Wayuda waliokuja pamoja naye wakilia vilevile, akasisimua kwa huzuni nyingi na kufazaika.

³⁴ Akauliza: “Mulimuzika wapi?” Wakamujibu: “Bwana, kuja uone.”

³⁵ Yesu akatoa machozi.

³⁶ Halafu Wayuda wamoja wakasema: “Angalia namna alivyomupenda kweli!”

³⁷ Lakini wengine kati yao wakasema: “Yeye aliyeponyesha kipofu, asingeweza kuzuia mutu huyu asikufe?”

³⁸ Basi Yesu akasisimua tena kwa huzuni, na kwenda kwenye kaburi. Kaburi lile lilikuwa pango lililofungwa na jiwe kubwa.

³⁹ Yesu akasema: “Muondoshe jiwe hili!” Marta, dada wa yule marehemu, akamujibu: “Bwana, anaanza sasa kunuka, kwa maana ni siku ine sasa tangu alipozikwa!”

⁴⁰ Yesu akamwambia: “Sikukuambia kwamba ukiamini utaona utukufu wa Mungu?”

⁴¹ Basi wakaondosha lile jiwe. Yesu akainua macho juu, akasema: “Baba, ninakushukuru kwa sababu umenisikia.

⁴² Na ninajua kwamba unanisikia siku zote, lakini ninasema hivi kwa sababu ya watu hawa wanaokusanyika hapa kusudi wapate kuamini kwamba wewe ndiwe uliyenituma.”

⁴³ Wakati alipokwisha kusema maneno haya, akaita kwa sauti kubwa, akisema: “Lazaro, toka inje.”

⁴⁴ Halafu yule marehemu akatoka inje, akiwa amefungwa mikono na miguu kwa vitambaa, na uso wake ukifunikwa na nguo. Yesu akawaambia: “Mumufungue, mumwache ajiendee.”

Shauri la kumwua Yesu

⁴⁵ Wayuda wengi kati ya wale waliokuja kwa Maria, na walioona mambo Yesu aliyofanya, wakamwamini.

⁴⁶ Lakini wengine kati yao wakawaendea Wafarisayo na kuwaambia mambo Yesu aliyofanya.

⁴⁷ Basi wakubwa wa makuhani na Wafarisayo wakakusanya Baraza yao Kubwa, na kusema: “Tufanye nini kwa kuona mutu huyu anaonyesha vitambulisho vingi?

⁴⁸ Kama tukimwachilia kuendelea hivi, watu wote watamwamini, nao Waroma watakuja kuharibu hekalu letu na taifa letu!”

⁴⁹ Halafu mumoja kati yao, jina lake Kayafa, aliyekuwa Kuhani Mukubwa mwaka ule, akasema: “Hamujui kitu, ninyi!

⁵⁰ Hamufahamu kwamba ni afazali mutu mumoja akufe kwa ajili ya watu, kuliko taifa zima kuangamizwa?”

⁵¹ (Yeye hakusema maneno haya kutokana na mawazo yake mwenyewe; lakini kwa maana yeye ndiye aliyekuwa Kuhani Mukubwa mwaka ule, alitabiri kwamba Yesu atakufa kwa ajili ya taifa la Wayuda.

⁵² Na kufa kwake si kwa ajili ya taifa hili tu, lakini vilevile kwa ajili ya watoto wa Mungu waliosambazwa, kusudi apate kuwaunga katika umoja.)

⁵³ Basi tangia siku ile wakakusudia kumwua Yesu.

⁵⁴ Kwa sababu hii Yesu hakutembea tena akijionyesha waziwazi kati ya Wayuda. Kisha akajiendea pamoja na wanafunzi wake katika inchi iliyokuwa karibu na jangwa katika muji unaoitwa Efuraimu. Nao wakabaki kule.

⁵⁵ Sikukuu ya Wayuda ya Pasaka ilikuwa karibu. Basi watu wengi toka katika vijiji wakaenda Yerusalema kusudi wajitakase mbele ya Pasaka.

⁵⁶ Wakamutafuta Yesu, na wakaulizana hivi ndani ya hekalu: “Munawaza nini? Atakuja kwa karamu au hapana?”

⁵⁷ Nao wakubwa wa makuhani na Wafarisayo walikuwa wametoa amri kwamba mutu akijua pahali Yesu alipokuwa, alete habari kusudi wapate kumufunga.