Nahumu 3 - BIBLIA Maandiko Matakatifu Kwa Watu Wote 2002

¹ Ole wako muji wa mauaji! Umejaa udanganyifu mutupu na wizi tele, haukomi hata kidogo kunyanganya.

² Sikia! Mulio wa fimbo, mashindo ya magurudumu, vishindo vya farasi na ngurumo za magari ya vita!

³ Waaskari wapanda-farasi wanashambulia, panga na mikuki inametameta; waliouawa hawana hesabu, kuna maiti nyingi sana; watu wanajikwaa juu ya maiti!

⁴ Ninawe! Wewe umekuwa kama kahaba. Umewashawishi watu, ewe binti wa uchawi, uliyeyafanya mataifa kuwa watumwa kwa ukahaba wako, na watu wa mataifa kwa uchawi wako.

⁵ Mimi Yawe wa majeshi ninasema nitakushambulia; nitapandisha nguo yako mpaka kwenye kichwa, niyaache mataifa yauone uchi wako, falme zitaona haya yako.

⁶ Nitakutupia uchafu, na kukuzaraulisha, na kukufanya kuwa mushangao kwa watu.

⁷ Kisha wote watakaokuona watakukimbia wakisema: Ninawe umeangamizwa, ni nani atakayekuomboleza? Nani atakayekufariji?

⁸ Wewe Ninawe, ni bora kuliko Tebe, muji uliojengwa pembeni ya muto Nili? Tebe ulizungukwa na maji, bahari ilikuwa kikingio chake, maji yalikuwa ukuta wake!

⁹ Inchi ya Kushi ilikuwa nguvu yake; nayo Misri vilevile, tena bila mwisho, watu wa Puti na Libya waliusaidia.

¹⁰ Hata hivyo, ulikamatwa mateka, watu wake wakapelekwa katika uhamisho. Hata watoto wake walipondwapondwa katika maingilio ya kila barabara; watu wake wenye heshima waligawanywa kwa kuwapigia kura, wakubwa wake wote walifungwa minyororo.

¹¹ Ninawe, nawe vilevile utalewa; utamukimbia adui na kujaribu kujificha.

¹² Kuta zako zote ni kama tini za kwanza; zikitikiswa zinamwangukia mwenye kula katika kinywa.

¹³ Angalia, waaskari wako ni wanawake tu. Milango ya inchi yako ni wazi mbele ya waadui zako; moto umeteketeza kabisa vifungio vyake.

¹⁴ Muteke maji mukuwe tayari kwa kuzungukwa na vita; muimarishe vikingio vyenu. Muponde matope, mutayarishe furu ya kuchomea matofali!

¹⁵ Lakini kule vilevile moto utawateketeza, upanga utawamaliza kabisa; utawamaliza kama nzige wanavyokula. Muongezeke kama nzige, mwongezeke kama mapanzi!

¹⁶ Wachuuzi wako waliongezeka kuliko nyota; lakini sasa wametoweka kama vile mapanzi wanavyoruka.

¹⁷ Wakubwa wako ni kama mapanzi, majemadari wako kama kundi la nzige; wakati wa baridi wanakaa kwenye kuta, lakini jua linapotokea, wanaruka, wala hakuna anayejua nafasi walipokwenda.

¹⁸ Ewe mufalme wa Asuria, wachungaji wako wamelala, waheshimiwa wako wamesinzia. Watu wako wametawanyika kwenye milima, wala hakuna yeyote wa kuwakusanya.

¹⁹ Hakuna wa kutunza mapigo yako, vidonda vyako ni vya kifo. Wote wanaosikia habari zako wanashangilia. Maana ni nani aliyeponyoka kila mara uovu wako?