Mezali 5 - BIBLIA Maandiko Matakatifu Kwa Watu Wote 2002

Maonyo juu ya uasherati

¹ Mwana wangu, sikia hekima yangu, tega sikio usikie elimu yangu.

² Kwa hiyo, utaweza kulinda akili, na kinywa chako kitashika maarifa.

³ Midomo ya mwanamuke mupotovu ni mitamu kama asali, maneno yake ni laini kuliko mafuta;

⁴ lakini kwa mwisho ni michungu kama nyongo, ni mikali kama upanga wenye makali ngambo mbili.

⁵ Miguu yake inaelekea chini kwenye kifo, hatua zake zinaenda kuzimu.

⁶ Yeye haijali njia ya uzima, njia zake ni za kutangatanga, wala hajui.

⁷ Sasa enyi wana wangu, musikilize, wala musisahau maneno ya kinywa changu.

⁸ Uepushe njia yako mbali naye, wala usiukaribie mulango wa nyumba yake,

⁹ kusudi usiwape wengine heshima yako, na watenda mabaya miaka yako,

¹⁰ wageni wasipate kushibishwa kwa mali yako, na faida ya kazi yako kuishia katika nyumba ya mugeni.

¹¹ Kwa mwisho wa maisha yako utaomboleza, wakati mwili wako utakapoangamizwa.

¹² Kwa hiyo utasema: “Kwa nini nilichukia mafundisho? Kwa nini nilizarau ndani ya moyo wangu?

¹³ Sikusikiliza sauti ya walimu wangu, wala kuwategea sikio wale walionifundisha.

¹⁴ Nikakuwa karibu ya kuangamia kabisa katika kusanyiko na mukutano wa watu.”

¹⁵ Kunywa maji ya birika lako mwenyewe, maji yanayobubujika katika kisima chako mwenyewe.

¹⁶ Kwa nini chemichemi zako zitawanywe mbali, na vijito vya maji katika barabara?

¹⁷ Hiyo ni yako wewe mwenyewe, wala usiwashirikishe watu wengine.

¹⁸ Chemichemi yako ibarikiwe, umufurahie muke uliyemwoa ukiwa kijana.

¹⁹ Ni muzuri kama pongo, anapendeza kama paa. Mapenzi yake yakufurahishe kila wakati, uvutwe siku zote na mapendo yake.

²⁰ Mwana wangu, kwa nini kutekwa na mwanamuke mwasherati? Kwa nini kukumbatia mwanamuke mugeni katika kifua?

²¹ Maana mwenendo wa kila mutu ni wazi mbele ya Yawe; yeye anachunguza njia zake zote.

²² Mutu mwovu ananaswa kwa uovu wake mwenyewe; anakamatwa na vifungo vya zambi yake mwenyewe.

²³ Yeye anakufa kwa ajili ya ukosefu wa mafundisho, anaangamia kwa sababu ya upumbafu wake mukubwa.