Isaya 12 - BIBLIA Maandiko Matakatifu Kwa Watu Wote 2002

Wimbo wa shukrani

¹ Siku hiyo mutasema: Ninakushukuru, ee Yawe, maana ingawa ulinikasirikia, hasira yako imetoweka, nawe umenifariji.

² Mungu ndiye mwenye kuniokoa, nitamutegemea yeye, wala sitaogopa; Yawe ananijalia nguvu; yeye mwenyewe ndiye anayeniokoa.

³ Mutachota maji kwa furaha kutoka visima vya wokovu.

⁴ Siku hiyo mutasema: Mumushukuru Yawe, muombe kwa jina lake. Mujulishe kwa mataifa matendo yake, mutangaze kuwa jina lake limetukuzwa.

⁵ Mumwimbie Yawe sifa maana ametenda mambo makubwa; haya yajulikane katika dunia yote.

⁶ Mupige vigelegele na kuimba kwa furaha, enyi wakaaji wa Sayuni, maana Mutakatifu wa Israeli ni makubwa kati yenu.