Hesabu 34 - BIBLIA Maandiko Matakatifu Kwa Watu Wote 2002

Mipaka ya inchi

¹ Yawe akamwambia Musa:

² Uwaamuru Waisraeli ukisema: Mutakapoingia Kanana, inchi ambayo ninawapa ikuwe inchi yenu, mipaka ya eneo lenu lote itakuwa kama hivi.

³ Upande wa kusini mupaka wenu utakuwa kutoka jangwa la Sini kupitia upande wa Edomu. Utaanzia mashariki upande wa kusini mwisho wa bahari ya Chumvi.

⁴ Kisha utapinda kusini kuelekea mupando wa Akarabimu na kupitia Sini mpaka Kadesi-Barnea, upande wa kusini. Kutoka pale, mupaka utapinda kuelekea kaskazini-magaribi mpaka Hasari-Adari na kupita mpaka Azimoni.

⁵ Kutoka Azimoni utapinda kuelekea kijito cha Misri kwenye mupaka wa Misri na kuishia bahari ya Mediteranea.

⁶ Mupaka wenu wa upande wa magaribi utakuwa bahari ya Mediteranea.

⁷ Mupaka wenu wa upande wa kaskazini utakuwa kama hivi: kutoka bahari ya Mediteranea, mpaka kwenye mulima Hori,

⁸ na kutoka mulima Hori, mpaka kwenye njia inayokwenda Hamati, na kuendelea mpaka Sedadi,

⁹ kupitia Zifuroni na kuishia Hazari-Enani. Huo utakuwa mupaka wenu wa kaskazini.

¹⁰ Mupaka wenu wa upande wa mashariki mutauweka kutoka Hazari-Enani mpaka Sefamu.

¹¹ Kutoka Sefamu utaelekea kusini mpaka Ribla, upande wa mashariki wa Aini; kisha mupaka huo utakwenda chini mpaka kwenye muteremuko wa upande wa mashariki wa ziwa la Kinereti,

¹² halafu utateremuka kufuata muto Yordani mpaka bahari ya Chumvi hii ndiyo itakuwa inchi yako kama vile mupaka unavyokuwa.

¹³ Basi, Musa akawaambia Waisraeli: Hii ndiyo inchi mutakayoirizi kwa kupiga kura, inchi ambayo Yawe ameagiza ipewe kwa makabila tisa na nusu.

¹⁴ Kabila la Rubeni na la Gadi, na nusu ya kabila la Manase yamepata urizi wao kulingana na ukoo zao.

¹⁵ Makabila hayo mawili na nusu yamepata urizi wao ngambo ya muto Yordani upande wa mashariki, kuelekea Yeriko, jua linakotokea.

Viongozi watakaosimamia mugawanyo wa inchi

¹⁶ Yawe akamwambia Musa:

¹⁷ Kuhani Eleazari na Yoshua mwana wa Nuni ndio watakaowagawanyia watu inchi kuwa mali yao.

¹⁸ Utatwaa vilevile kiongozi mumoja kutoka kila kabila kwa kusaidia katika ugawanyaji wa inchi.

¹⁹ Haya ndiyo majina yao: Kabila la Yuda, Kalebu mwana wa Yefune.

²⁰ Kabila la Simeoni, Semweli mwana wa Amihudi.

²¹ Kabila la Benjamina, Elidadi mwana wa Kisiloni.

²² Kabila la Dani, Buki mwana wa Yogli.

²³ Kabila la Manase mwana wa Yosefu, Hanieli mwana wa Efodi.

²⁴ Kabila la Efuraimu mwana wa Yosefu, Kemueli mwana wa Sifutani.

²⁵ Kabila la Zebuluni, Elisafani mwana wa Parnaki.

²⁶ Kabila la Isakari, Paltieli mwana wa Azani.

²⁷ Kabila la Aseri, Ahihudi mwana wa Selomi

²⁸ Kabila la Nafutali, Pedaheli mwana wa Amihudi.

²⁹ Hawa ndio watu ambao Yawe aliwaamuru wawagawanyie watu Waisraeli inchi ya Kanana kuwa mali yao.