भजन संग्रह 97 - Sunuwar Bibleपरमप्रभु नेल्ल क्येङा ठेयब बाक्ब 1 परमप्रभु यावे पिप बाक्ब। रागी ग्येरसेक्ल। ङोन ङोन ङा रागी ङा मुरपुकी यो ग्येरसीमल। भजन संग्रह ९३:१ 2 मेको आ एर ओंथ गोस्स नु ठेयब छिङछिङ बाक्ब। ठीक पतीके नु ठीक निसाफ मेको आ सासन पतीक जग बाक्ब। 3 मेको आ ङोंइङोंइती मी लशा, आ एर ओंथ ङा जोरी सत्रु नेल्ल आन कली दाक्ब। हबकुक ३:४ 4 मेको आ चिलामी रागी नेल्ल हाम्सो दुम्ब। रागी रागी ङा मुर मेको तशा ख्रिंख्रि पाइनीम। 5 परमप्रभु यावे आ ङोंइती डांडा मयीन खोदेंशो पा याइनीम। रागी नेल्ल परमप्रभु यावे आ ङोंइती मोदेंशो दुम्ब। यहोसु ३:१३ 6 मिनु स्वर्गम मेको आ ठीक पतीके नेल्ल कोंइब। जात जात ङा मुर नेल्लेमी मेको आ छेङछेङ ताइनीम। भजन संग्रह ६७:५-६; यसैया २४:२१-२२ 7 मूर्ति पूजा पाइब नेल्ल मुने तोक्चा पुंइसीनीम। मूर्ति कली थमा सुइक्बपुकी मुने दोक्नीम। देवी देवता नेल्ल परमप्रभु आ ङोंइती बाप्पीन। येरमीया ४६:२५; हिब्रू १:६ 8 परमप्रभु यावे आ निसाफ पशो नेंशा, सियोन नु यहूदा ङा सहर नेल्ल ग्येरसीनीम। 9 मारदे हना परमप्रभु यावे, गे रागी ङा नेल्ल क्येङा ठेयब बाक्नीनी। देवी देवता नेल्ल आन क्येङा गे शुश ठेयब बाक्नीनी। प्रस्थान १५:११ 10 परमप्रभु यावेमी मरिम्शो पतीक कली काइ मदाक्ब मुर आन कली दाक्ब। आ कली थमा सुइक्ब आन कली कोव़ब। मेको आन कली आ अरेशो मटीब आन गुइ रे प्रोंइब। 11 ठीक पाइब आन कली छेङछेङ बाक्ब। मिनु ब्रेम्शो थुं पाइश्शो मुर आन कली ग्येरतीक बाक्ब। 12 ठीक पाइबपुकी परमप्रभु यावे नु ग्येरसीन। मेको कली “गे रिम्शो पाइब बाक्नीनी” देनीन। |
© 2011, Wycliffe Bible Translators, Inc. All rights reserved.
Wycliffe Bible Translators, Inc.