भजन संग्रह 140 - Sunuwar Bibleब्रोंइचा आ पर्बम पुंइशो कुम्सो पपाइक्ब कली दाऊद आ कुम्सो। 1 परमप्रभु यावे, आं कली मरिम्शो पाइब आन गुइ रे प्रोंइयीनी। आं कली हुश ख्राक्श पोक्ब आन गुइ रे प्रोंइयीनी। 2 मेकोपुकीमी आन थुंमी मरिम्शो पतीक मिम्ना मिम्न बाक्नीम। मिनु जिचा पोक्नीम। 3 मेकोपुकी कोक्चा चिक्शो बुस्स खोदेंशो बाक्नीम। मेको आन लोव़ बुस्स आन बीस खोदेंशो बाक्ब। ठेयब सेंदा पा।रोमी ३:१३ 4 परमप्रभु यावे, इन अरेशो मटीब नु हुश ख्राक्श पोक्ब मुर आं क्येङा ङोन वोतीन। मेकोपुकीमी आं कली दाइल पपाइक्चा माल्नीम। 5 ठेयब लेश्शो मुरपुकीमी ख्रुइश्शा आं कली ब्वारद दाइक्ताक्म। डोरी के ब्वारद दाइक्ताक्म। मेकोपुकीमी आं लांमी ब्वारद दाइक्ताक्म। ठेयब सेंदा पा 6 मिनु गो परमप्रभु यावे कली “गे आं परमप्रभु बाक्नीनी। परमप्रभु यावे, गे आं पुंइशो लोव़ नेनीन। भजन संग्रह २२:११ 7 परमप्रभु यावे, आं परमप्रभु, गे इन सक्तिमी आं कली प्रोंइनीनी। लडाइ दुम्मेनु, गे आं कली प्रोंइनीनी। 8 परमप्रभु यावे, इन अरेशो मटीब आन मिम्शो दला दाक्स दुम्चा मगेने। मो दुम्त हना, मेकोपुकी ठेयब लेत्नीम। ठेयब सेंदा पा। 9 मेको ठेयब लेश्शोपुकी आं एर ओंथ बाक्शो बाक्नीम। मेको आन मरिम्शो पशो आंमा रमल। ठेयब सेंदा पा। 10 गे मेको आन तारी ब्रशो कोइला मोतीन। मेकोपुकी गेनायो ग्रूने मचाप्चा पा खाल्टाम बिक्मल। 11 मुर आन पर्बम जोल पाइब रागीम मदुम्मल। हुश ख्राक्श पोक्बपुकी रीब पा खतम दुम्मल। 12 परमप्रभु यावे, श्येत जशो आन कली वारच पाइब नु प्रुङग आन कली ठीक निसाफ पाइब बाक्नीनी, दे तुइक्नुङ। 13 ठीक पाइबपुकीमी, थमा पा इन नें ठेयब सेल्नीम। मिनु रिम्शो थुं पाइश्शो मुर इन ङोंइती बाक्नीम” देंती। |
© 2011, Wycliffe Bible Translators, Inc. All rights reserved.
Wycliffe Bible Translators, Inc.