भजन संग्रह 125 - Sunuwar Bibleपरमप्रभु आ मुर नु बाक्ब लां ङा कुम्सो। 1 परमप्रभु यावे कली थमा सुइक्बपुकी सियोन डांडा खोदेंशो बाक्नीमी। मेको याक्ने मचाप्सीब। गेना हना यो बाक्ब। 2 यरूसलेम आ एर ओंथ नेल्ल पहाड बाक्नीम। मिनु मुल रे गेना हना यो परमप्रभु यावेमी मेको खोदेंशो पा आ मुर आन एर ओंथ बाक्ब। 3 परमप्रभु आ अरेशो मटीब आन हुकुम पतीके ठीक पाइब आन रागीम मदुम्ब। मिनु ला ठीक पाइबपुकीमी दूली मपाइनीम। 4 परमप्रभु यावे, रिम्शो पाइब नु रिम्शो थुं पाइश्शो मुर आन कली रिम्शो पने। 5 तन्न परमप्रभु यावेमी नोले शोंइसीशा मरिम्शो लां खोइक्ब आन कली मरिम्शो पाइश्शा खतम पोक्ब। इस्राएलमी थुं नाइश्शा बाक्तीक दुम्ल। भजन संग्रह १२८:६; गलाती ६:१६ |
© 2011, Wycliffe Bible Translators, Inc. All rights reserved.
Wycliffe Bible Translators, Inc.