भजन संग्रह 124 - Sunuwar Bible

परमप्रभु यावेमी वारच पशो

लां ङा कुम्‍सो। दाऊद आ कुम्‍सो।

¹ परमप्रभु यावे गोपुकी नु मबाक्‍शो हना,

² मुरपुकीमी आंइ कली लडाइ तोव़मेनु, परमप्रभु यावे गोपुकी नु मबाक्‍शो हना,

³ मेकोपुकीमी आंइ कली तशा गाइक्‍तमेनु, आंइ कली सेलीन दाक्‍गेम वा।

⁴ मिनु बारशा जाक्‍शो ब्‍वाक्‍कुम आंइ कली योल्‍द वा। मिनु मेको ब्‍वाक्‍कुम आंइ कली सुम वा। भजन संग्रह ६९:१६; भजन संग्रह ४२:८

⁵ मेको बारशो ब्‍वाक्‍कुम आंइ कली मोशा योल्‍शा लद वा।

⁶ परमप्रभु यावे ठेयब बाक्‍ब। मारदे हना मेकोमी आंइ कली क्रिम्‍चा मगेव।

⁷ मिनु गोपुकी सिखारी आन ब्‍वारद रे ब्रोंइशो चिक्‍ब खोदेंशो पा प्रोक्‍तक। मेको ब्‍वारद ब्रोइक्‍त। मिनु गोपुकी प्रोक्‍तक।

⁸ सरीङ नु रागी सेल्‍ब परमप्रभु यावेमी आंइ कली वारच पशो बाक्‍ब।