YEKIKITHI ATUGHIU 9 - BAIBEL (BSI)

Akughu lono Ideighi Kemi

¹ Israilmi kumtsu akibo kiqi lono akikithi shi yepuani eno tiye Israilmi kukami kaku lono hipau pithi tsupuani. Judamiye Babilon lo kughasasu wu, tiye panongu xine ghenguno aghime tsukeu shie.

² Ike ighi kelo akumla atughiuye panongu kuakini aphughiqolo akeqo Israilmi layemi, achinemi, Levimi eno achinekilo akumlami tsuchileve nikeu shike.

³ Alagha hipaqono Jerusalem lo ngonike kutove Juda, Benjamin, Efraim eno Manasse.

^4-6 Juda laghalo akibo 690 no Jerusalem lo ngoluve. Juda nu Perez kughuko gholo Uthai no panongu sakipheu shi, paye Amihud nu eno passu ye Omri ke. Pa puasu kutami Imri eno Bani ghike. Juda nu Shela kughuko gholo Asaia no panongu sakipheu shi, paye pano kibolo atou ke. Juda nu Zera kughuko gholo Jeuel no panongu sakipheu shi.

^7-8 Benjamin laghalo timi hipaqono Jerusalem lo kughuna acheuve: Sallu no Meshulam nu, khuu Hodavia nu keno, paye Hassenua nu. Ibneia no Jeroham nu, Elah no Uzzi nu eno pasu jeno Mekhri Meshullam no Shefatia nu, khuu Reuel nu keno, paye Ibnija nuke.

⁹ Benjamin lagha lono akibo 956 no Jerusalem lo kughunache. Aje tsu ighikeqo kumtsu pututa kibolo atou ke.

Achinemi Jerusalem lo Achekemi

^10-12 Achinemi hipaqono Jerusalem lo ache: Jedaia, Jehoiarib eno Jakhin Azaria no Helkia nu (Achinekilo ighono atou), pa puasu noqoye Meshulam, Zadok, Meraiot eno Ahitub. Adaiah no Jeroham nu, papuasu noqoye Pashur eno Melkhija Maasai no Adiel nu, papuasu noqoye Jehzerah, Meshulam, Meshilemith eno Immer

¹³ Achinemi khunoqo pututa mqolo atou shilu keno kumtsu kuqha kelo 1,760. Panonguye Achinekilo akumlapu jeli kumtsulo shitsa shi mulae.

Levimi Jerusalem lo Achekemi

^14-16 Levimi hipaqono Jerusalem lo ache wuve: Shemaya ye Hashub nu, papuasuqoye Azrikam eno Hashebia, Merari lagha Bakbakar, Heresh eno Galal Matania no Maika papu, papuasuqoye Zikhri eno Asaf. Obadia no Shemaya nu, papuasu qoye Galal eno Jeduthun Berekhia nu, Asa nu eno pasu ye Elkana, paye Netofa taun yeghilo acheke.

Jerusalem Achine ki Ghukhemi

¹⁷ Jerusalem Achine kilo timi hipaqono aghukhemi shi ache: Shallum, Akkub, Talmon eno Ahiman. Shallum no panongu sakipheue.

¹⁸ Tipa ghulokilo kihikusumi laghaye kipelau Akukau khagho lo ngolue. Puzuu panonguye aghutu kikhalo puthughono Levimi ghazulo ache.

¹⁹ Shallum no Kore nu eno pasu ye Ebiasaf, pano Kora lagha gholo su kuqhano Aphiki khile AMPEU kungoa keno aghukhe shinikeu shi, tiye inahuu apuasu no AMPEU ghazu kheche kehu toi.

²⁰ Fineas ye Eleazar nu - AMPEU pelo pa gholo apeniu! pano ghuthu lakhi loye panongu saphecheke.

²¹ Zekharia ye Meshelemia nu, paghi AMPEU kungoa aphiki lo ilokighi lalo aghukheu shicheke.

²² Kumtsu kuqhakelo 212 no kishephepe ilokighi lalo eno khagho kikha kheche. Panonguye pututa phu kiqi lono aje sue. Akukau David eno tungkupu Samuel pamano panongu puasu pesu akumla hipaqolo amakho pupe.

²³ Panongu eno pano kughukoqono Achineki hukikha khepeni keu shie.

²⁴ Tilehi khagho kikha agino agi kuju ghi shie. Ahuu, apeu kipelau eno kulolau eno akikha lakhikhi lo akheu atou ae.

²⁵ Aghukhemi hipaqoye pano sholokumi khunoqo aphulo akeno atsala tsuni-ni lono kivetsughu ghi panongu kuphuche.

²⁶ Aghukhumi atomi pano bidi huye Levimi eno panonguno akhotomi ashekhauqoe. Panonguye Achineki alou akungoa eno pepimhe chekeu eno tile qhiche keu jeli shou ghi ampemie.

²⁷ Panonguye Achineki kumxalo ache, kughengu kheni keuno panongu makho kehu eno inaqhe atsu-tsulo khagho tipau khaqhi che.

Levimi kutami

²⁸ Levimi kutamino akumlla lo akhu ajukhu peitha keu shou ampi shi. Panonguno hipaqo peithanike zulo eno peithave kethiu kihikulaju che.

²⁹ Kutamino akimthe nhemgha, ashomukhu, atsaiji, oliv teli, tsungqui piti keu eno vekutsungu keu jeliqo shou ampi shie.

³⁰ Ikemu vekutsungu keu jeli xukutshu kuqha nikeuye achinetomi makho ke.

³¹ Levimi lakhi paje Matithia, paye Shalum nu anoghiu eno Kora laghami bekeu sho kumlla kuto keulo ampi shi.

³² Kohath lagha qono akimthe Sabat tsala lo Achinekilo akimthe sho shinikeulo ampi shie.

³³ Levimi kibolomi khamino achinekilo alekiphelo ampi shie. Akibolomi gholo atomi khamiye achinekilo ngoche eno akumla kutauye kiumu shimoe, kughengu panonguye putho pucho timino kukishe chekehu.

³⁴ Hi ahuu aje tsupuakeu timiye Levimi kibolo atoue eno panonguye sakiphemi Jerusalem lo ngo chekeqoke.

Saul Puasu eno pa Kughuko

³⁵ Jeiel no Gibeon phughi phupheluno tile ngove. Pa nipu jeye Maaka.

³⁶ Panu anoghiu jeye Abdon eno panu kutami qoye Zur, Kish, Baal, Ner, Nadab,

³⁷ Gedor, Ahio, Zekharia eno Miklot,

³⁸ Shima papu panongu kughukoye Jerusalem lo pano lagha eno abolomi kumxa lo ngoche.

³⁹ Ner no Kish papu eno Kish no Saul papu. Saul no anu bidi shi: Jonathan, Malkhishua, Abinadab eno Eshbaal.

⁴⁰ Jonathan nu Maribbaal khuu Mika papu shilu keno.

⁴¹ Mika no anu bidi shi: Pithon, Melekh, Tarea eno Ahaz

⁴² Ahaz nu Jara, Jara no anu kuthu shi: Alemet, Azmaveth eno Zimri. Zimri nu Maza,

⁴³ Maza nu Binea, Binea nu Refaia, Refaia nu Eleasa, Eleasa nu Azel

⁴⁴ Azel no anu tsugho shi: Azrikam, Bokheru, Ishmael, Shearia, Obadia eno Hanan.