YEKIKITHI ATUGHIU 4 - BAIBEL (BSI)

Juda Kughuko

¹ Juda kughukolo hipaqo ani: Perez, Hezron, Karmi, Hur eno Shobal.

² Shobal no Reaiya papu, khuu Yehat papu keno, Ahumai eno Lahad pama papu eno Zora lo kughuna kuami puasu shilu keno.

^3-4 Hur ye Kaleb ngo, Efrat pama nu anoghiu eno pa kughukono Bethlehem phughi phuphelu. Hur ye anu kuthu shi: Etam, Penuel eno Ezer. Etam ye anu kuthu ae Jezrel, Ishma, eno Idbash, eno anga lakhi Hazelelponi ae. Penuel no Gidor phughi phuphelu eno Ezer no Husha phuphelu.

⁵ Ashur no Tekoa taun phuphelu, paye anipu kini ache, Hela eno Naara.

⁶ Naara pama no anu bidi shi: Ahuzam, Hefer, Temeni eno Haashtari.

⁷ Ashur eno Hela pamano anu kuthu shi: Zeret, Izhar eno Etnan.

⁸ Koz ye Anub ngo Zobeba pama papu eno Harum nu Aharhel kughuko puasu lagha qoke.

⁹ Tile timi lakhi paje Jabez ae pano bolomi kumtsu no pa gihu che. Pazano paje Jabez kutsu, kughengu apunulo imeveke.

¹⁰ Ikemu Jabez no Israil Lhou vilo inikhu. “Ikumgha tsulo Alhou eno ayeghi kutomo phuphelu pelo. Igholo alo, lhoksakugha eno kusukini ilauno putosu tsu alo.” Eno pano inikhu kehu toi Alhou no pa kumghatsue.

Kutami Bolomi Muqo

¹¹ Shuha thikuzuu Kaleb ye anu lakhi Mehir ae, Mehir ye Eshton papu

¹² khuu anu kuthu akeno: Betrafa, Pasea eno Tehina. Tehina no Nahash phughi phuphelu. Timi hipaqo kughuko no Reka lo ache.

¹³ Kenaz no anu kini shi, Othniel eno Seraia. Othniel ghi anu kini shi, Hathat eno Meonothai.

¹⁴ Meonothai ye Ofra papu. Seraia no Joab papu, Joab no Shitsa Khila phuphelu, timi tipaqoye akumla lo ighono shitsami ke.

¹⁵ Kaleb Jefune nu ye anu kuthu ache: Iru, Ela eno Naam. Ela no Kenaz papu shilu.

¹⁶ Jehalelel no anu bidi shi: Zif, Zifa, Tiria eno Asarel.

^17-18 Ezra no anu bidi shi: Jether, Mered, Efer eno Jalon. Mered no Ijipmi kukau nga Bithia sasu akuxushi eno anga lakhi punu ke paje Miriam kutsu, eno anu kini shi Shemai eno Ishba. Ishba no Eshtemoa taun phuphelu. Mered ye Juda lagha lo totimi lakhi ghi sasu akuxushi eno pama ghi anu kuthu shi: Jered, khuu Gedor taun phuphelu keno. Heber no Soko taun phuphelu eno Jekuthiel no Zanoa taun phuphelu.

¹⁹ Hodia no Naham chepu sasu xua. Panongu kughukono Garm lagha shiluve eno panonguno Keila taun lo ngoluve, Maakat laghano Eshtemoa taun lo xucheuve.

²⁰ Shimon no anu bidi shi: Amnon, Rinna, Binhanan eno Tilon. Yishi no anu kini shi: Zohet eno Benzohet.

Shela Kughuko

²¹ Shela ye Juda nu gholo lakhi pa kughukomiye Er ghi ke, panonguno Leka taun phuphelu; Laada no Maresha taun phuphelu, panonguye phepheyi keu phi kughomi Beth-Ashba taun lo kuamike;

²² Jokim eno timi khunoqo Kozeba taun lo kughuna chekeno; eno Joas ngo Saref khuu Muabmi topumi sasu kulau keno panonguye Bethlehem lo ngove. (Hipau pekikishe tsaye ighono ado kushuwo shivea.)

²³ Panonguye akukau ayeghili kishimi eno Nataim ngo Gedera taun lo kughuna ache.

Simon Kughuko

²⁴ Simon no anu pungu shi: Nemuel, Jamin, Jarib, Zera eno Shaul.

²⁵ Shaul nuno Shallum, Shallum nuno Mibsam eno Mishma, pasu ye Shaul ke.

²⁶ Mishma kughuko lono Hamuel, Zakur eno Shimei ipeghi.

²⁷ Shimei ye anu chighi tsugho eno anga tsugho shi ikemu pa bolomi kutamiye anuli aghuloshi eno Simon laghaye Juda lagha toi kutomo ikowomove.

²⁸ Akukau David kuka ghulokilo Simon kughukoye taun hipaqolo ache: Bersheba, Molada, Hazarshual

²⁹ Bilhan, Ezem, Tolad,

³⁰ Bethuel, Horma, Ziklag,

³¹ Beth Markaboth, Hazarsusim, Bethbire eno Shaaraim,

³² Panonguye aphu kutau pungulo ghi ache: Etam, Ain, Rimon, Tokhen, eno Ashan,

³³ eno tipau sukumxa lo aphu akeqo, kulola apeu Baalath taun kutolo ache. Hipaqoye panongu lagha ikoighikeu eno akungoaqo yepe qhikeue.

^34-38 Timi hipaqono pano laghalo akhotomi shi cheke: Meshobab, Jamlek, Josha Amazia nu, Joyil Jehu (Joshu ibia nu, Seraia nu, Asiel nu) Elioenai, Jokoba, Jeshohaia, Asaia, Adiel, Jesimiel, Benaia, Ziza (Shifi nu, Allon nu Jedaia kughukomi, Shimri eno Shemaia.) Kughengu pano bolomi ye alau ikowo kitheveke,

³⁹ panonguye kulolau Gerar kutolo kughuna wove khile panongu kungoa kutotsu keno eno panongu bheriqoye kipela kudau akhila qolo atsuni kumza che.

⁴⁰ Panonguye atsuni kumtsha eno aghuma yeghi pukhalu eno tipa alo iqunei eno alokughuno shi ache. Panonguno tile ighi nike zuuye Hamitmi no ache.

⁴¹ Juda lo Akukau Hezekiya no Juda lo ka cheke ghulokilo, kunguu timi aje akeqono Gerar lo wuno tilehi ache kemiqow aphiki eno apushoqo kumtsu kutsavetsu. Panonguno tile kuami hapheveno alhokuthu tilehi ngo acheuve, kughengu tilehi panongu mishi eno bheri loji kepu atsuni kupukunoshi ake;

⁴² Simon laghami 500 ye kipelauno Edom lo wuve. Panonguye Yishi nuliqono sasu wu: Pelatia, Nearia, Refaia eno Uziel.

⁴³ Ike panonguno Amalekmi tile aghikeqo kumtsu ghiqhive eno panonguye ishi kutolo tile achephi.