LESHELE 92 - BAIBEL (BSI)

Shekiqhe Le

¹ AMPEU lau shikimthi tsukeuye kiutoi alo kela! Oje sheqhe alephekeu aloke, O Shishe Akughushuu

² Ina-atsu-tsu owu iqemokeu kikimiye pesu asheshu, kijili atsu-tsu owu ithamokeu pukhukulu khe nani,

³ akighilebo ghugha pesu eno aheono muzukeu pesu osheqhekeuye aloke.

⁴ Nono akughushu kumla shikeuno ilopivike, O AMPEU nono kiu shikeno tipau ghenguno niye alovi ale pheni.

⁵ Okumla kiutoi kije kela, O AMPEU! shishe thonheike!

⁶ Kughuzumi lakhiye tipau ithimo nani, mbomzumiye tipau vethamla nani,

⁷ Kixikilamino alupi toi thuwu aghiluvi, akumou shichekeqono kinikulu shi aghiluvi;

⁸ ikemu panonguye qhoi kutsapinyive nani, kughengu AMPEU no thwokha shou ayehkipeuke.

⁹ Nino ithiakeuno oghumiye thive nani eno kixikilami kumtsu tomove nani.

¹⁰ Nono ipelo aviala toi mutotoi shitsuke; nono alokivi pesu ikumghatsuke.

¹¹ Ighumi shou toluvekeu ino ithulu puani, eno kixikilamino ighakeu sutsa chilu puanike.

¹² Kupulumiye amsabo toi azunihoi anani; panonguye Libanon lo kedarbo toi thuwu nani!

¹³ Panonguye AMPEU kilo asubo shosu puakeu toi nani, ni Lhou chinekilo azunihoyi akeu toi nani,

¹⁴ Kitemi shiveke thiu ghi athi pithi ketoi nani eno pulhapujulo xuthilei eno mutotoi anani.

¹⁵ Hipauno AMPEU ye achipiu kepi piye ani eno isushokuluu gholoye akipimi kuhake.