LESHELE 8 - BAIBEL (BSI)

Alhou Jekipi eno Timi Kijivile

¹ O AMPEU ni MPEU, Ayeghiqha kumtsulo ojeye kiutoi akughushu kya! Itimi eno angaqono kungugha kutolo okimthe jekipi shipilike.

² Oghumiqo launo noye mutotoi eno ithamo kepushi ani; nono aghumi omjochilekemi ghasuke.

³ Kughou ino o-uno mlape atsutsulo aqhi, ayepu pututa alo puakeu juni keno;

⁴ Timiye kiukeno noye pa kumsulu kepu ani kya! Timi keno ku-u noye pa lamlu kepu kya?

⁵ Ikeghi kungumi nguno kitilano akitilau shi pa lhope puani; nono ajekipi eno agigihu pesu pa qhopipeke.

⁶ Ouno mlape puakeu kumtsu shou nono pa pelo ayehpekepu shipeke, lhophe puakeu kumtsu pesu pa qholo qhitsue;

^7-8 tikishi ngo tughashi, aghau ngo azughilo akhaqo, eno azughilo lhoxu jeli kumtsu.

⁹ O AMPEU, ni MPEU, ayeghiqha kumtsulo noye kiutoi aje kughushu kya?