LESHELE 70 - BAIBEL (BSI)

Kuphupenikeu Kighini

¹ O Alhou ixaphelu tsulo! O AMPEU mighi ikuphu tsulo.

² Khunono ipithiveniye pukaputsa keno tipaqo pelo tomlavepe eno kubangve pelo. Khunono iwu shiluksalo alovini keno hachileve eno kujomzave pelo.

³ Khunono ijunuqhi eno ithaigha chenikeno akukujo launo agi zuve pelo.

⁴ Khunono ophusu ighikeno tipaqo pelo ogholo alokivishi amlo qilu pelo. Khunono owu xakulupu kimiye cheni keno alaushi “Alhou ye shishe kijeke!” ipi pelo.

⁵ Niye kumlhomi eno aquaghalo ani, O Alhou, mtazu ilau ighilo. Nono ikukuphuu eno ixaphe kuluuke, O AMPEU, mtazu ighilo.