LESHELE 61 - BAIBEL (BSI)

Shokhakulupu Kighini

¹ O Alhou, ighugha initsulo; ikighini chilutsu nima!

² Imlo ipo-ixuvekelo, ayeghi shekha kudauno ino oku ani! Isasu wupuzu inguno akumtou sushokulu lawu wulo.

³ Kughengu noye ino ijehluche keuke, ighumi launo ishokhalu chekeu liwoke.

⁴ Ipelo ikuxu kupuju nono ngochekeu alo xupelo; ipelo ochishibo qholono iquneilu pelo.

⁵ O Alhou, noye ino shiniepi piqhikeu chiluvae, eno osumsa chekemiqo tsunie pikeu mheghi nono itsuke.

⁶ Akukau pelo axu pushulupelo, pa pelo ampe kushuwa xuache pelo!

⁷ O Alhou, pa pelo ozulo pulhapuju ayehpepelo; Owu iqemokeu kikimiye eno iqe mokeu mikuchono pa sushope qhitsulo.

⁸ Ike niye pulhapuju oje sheqhe oshipilini, tiye ino shinikeu shi piqhivekeu pesu tsalakipe tsulo omllanike.