LESHELE 54 - BAIBEL (BSI)

Sushopenikeu Kighini

¹ Okuka pesu ixalulo, O Alhou; okumto pesu ni ikhiphe tsulo!

² O Alhou, ikighini initsulo, ikichi lono pikeu tsalo okini kugho puwotsulo.

³ Aqhekuzamino ishou akumou shi ani, aghili kusamino ipithiveniye pukaputsa ani, panongu gizulo Alhou ye khuu kela mthake.

⁴ Ikemu Alhou ye ikukuphuuke. AMPEU ye ikuxu sushokuluu ke.

⁵ Alhou no pano lhoksa pesu ighumi ghimeqhi peniu paye amikucho ke ghenguno panoqo kutsave nani.

⁶ Imlo lono kumsuphelukeu kumllagho pesu omllani, O AMPEU; Noye alokehu niye shikimthi pesu otsuni.

⁷ Kughengu iwu shiluksa kumtsu launo nono ixapheluke eno ighumi shou toluvetsu keu inhe thino ithulu peke.