LESHELE 53 - BAIBEL (BSI)

Timi lolo Kixikila

¹ Kughuzumino pano likhi pano vilo “Alhou kuhake” ipi cheni. Panongu kumtsu shikupsake, eno panonguye kuchhubekepu kumla shiani; milakhimu achipiu kumla shikemi kuhae.

² Alhou no kungugha lono timi nuli shou jupiqia, eno panongu gholo alokutsumi anikeo mokela eno Alhou mlla chenikeo mokela ju ani.

³ Ikemu panongu kumtsu bidelau wuvae; panongu kumtsu vimo khavae. Panoqo gholo milakhimu achipiu shikeu kuhae; moe,lakhimu kuhae.

⁴ Alhou no pi, “Panonguye mtha kesha? Alhoksa kumlami hipaqoye vethakulu kuha kesha? Panonguno asho chukeshi iwu timiqo tsakhave eno panonguye khilemu ivilo inikhu moke.”

⁵ Ikemu panonguye thughuyi musave nani, tikithipu kumsapuye shimphike, kughengu Alhou no pa ghumi saghi kutholevetsu nani. Israilmino panoqo haleve nani, kughengu Alhou no pa ghumi kileqhiveke.

⁶ O Zion launo Israilmi xakulupu ighipenikeu ino inikhue. Kughou Alhou no pawu timi sachile sawo kinikulu shilu peni keno Israilmi ye alokivi shi nani.