LESHELE 52 - BAIBEL (BSI)

Alhou wu Kughakutha eno Kimiyekini

¹ Noye kushiye alhoksa kumla shi keulo qheza-laki ani kya? Alhou kikimiye ye lhokta kutoloke.

² Noye atsala kupujulo kutami shipu sanikeu kuchughu cheni; Omiliye aqe kutsugha toi pulhapuju akimki iqiphe acheni.

³ Noye akivi nguno alhoksa kimiye cheni, eno kuchou nguno akimki pavi chenike.

⁴ Otsano timi ghuza nikeu pulo cheni, pishikiqhiu!

⁵ Tighenguno Alhou no alhokupuju ghenguno okutsave nani; pano otsu quluve nani eno oki lono osunhe sawuve nani; pano kuxumi yeghi lono no ikhive nani.

⁶ Amikuchomino ithulu puzu msave nani; eno panonguno ojunu ghi ishi pinani,

⁷ “Julo, timi hipauye Alhou ijehnikeu kumsu chemoe, ikemu pawu kinikulu shou pukhube, eno alhoksa kumla alau shinikeu kumsucheke.”

⁸ Ikemu niye Alhou kilo Oliv subo thuwu akeu toike. Niye pulhapuju pawu iqemokeu kikimiye shou pukhu acheni.

⁹ Niye pulhapuju oshikimthini, O Alhou, nono kiu mlatsukeno tipau ghenguno; Owu timiqo gizu lono noye alokepi ino ojepipi tsuni.