LESHELE 47 - BAIBEL (BSI)

Akiqheu Ayehpeu

¹ Nongu timi kumtsu alokivishi a-u kukhulo! Alokivile vekipighi phepesu Alhou sheqhelo!

² AMPEU, Shishe Akiqheu ye sumsa kepuke; paye akukau kije lakhi, ayeghiqha kumtsulo ayehpe acheni.

³ Pano ningu pelo timiqo shou tokulupu shipeke, pano ningu pelo ashiayeh kutami shou ayehpe peke.

⁴ Pano nino akeu yeghi nimheghipu shitsu, pawu timi pano kimiye chekeqo kijivilepu mheghike.

⁵ Alhou no pa lakhulo iku, AMPEU no ikukelo alokivi ghugha eno afuko kuigha.

⁶ Alephe Alhou sheqhelo, ni kukau lau alephe sheqhelo, alephe sheqhelo!

⁷ Ayeghiqha kumtsu shou Alhou ye akukauke; alejo phepe pa sheqhelo!

⁸ Alhou no pa kimthe lakhulo iqa; pano ashiayeh kutami shou ayehpe cheni.

⁹ Ashiayeh shou ayehpemino Abraham Lhou wu timiqo gholo kuhokumqo. Ayeghilomi shokhalu kepu zutoye Alhou gholo ani, pano shishe akiqheu lono ayehpeke.