LESHELE 23 - BAIBEL (BSI)

AMPEU ye Ikheu

¹ AMPEU ye ikheu; Niye kiumu mulomoe.

² Pano ipelo atsuni kumthsa shou ihozupe, pano azu kughuqu phivilo isawu.

³ Pano ingulho puxutsu. Paju aje ghenguno achipiu lalo isawu.

⁴ Ino akithi yekukhu khila lo che namu niye kiumu musamoe; kughengu pano igholo ani. Okusu eno oqhe kusuno isushope acheni.

⁵ Nono ighumi nhethe lono aghulhu lakhi izulo qhitsue; Nono teli pesu ikutsu nutsu eno ijukhu yele lesutsue.

⁶ Kuchouno akivi eno kupuqhiyi keuno ikuxu kupujulo ipape che nani; eno niye AMPEU kilo pulhapuju acheuve nani.