LESHELE 150 - BAIBEL (BSI)

AMPEU Sheqhelo!

¹ AMPEU sheqhelo! Pa chinekilo AMPEU sheqhelo! Kungughalo pa kumto sheqhelo! sheqhelo!

² Pano akughushu kumla shitsukeu ghenguno pa sheqhelo. Pano akiqheu lono kije shiakeu sheqhelo.

³ Afuko pesu pa sheqhelo. Akighilebo ngo fulili pesu pa sheqhelo.

⁴ Bombo pesu eno ilhekeu lono pa sheqhelo. Akighilebo ngo fulili pesu pa sheqhelo.

⁵ Alazayi kugha kileghi pa sheqhelo. Alaza kuigha kuloghi lono pa sheqhelo.

⁶ Akuxu akeu lhoxu kumtsuno AMPEU sheqhelo! AMPEU sheqhelo!