LESHELE 130 - BAIBEL (BSI)

Kuphupenikeu Kighini

¹ Ikijikusa kutho lono ino ighamuku oku ani, AMPEU.

² Ighugha chilutsulo, O AMPEU; ikuphupe nike ino okukeu initsulo!

³ Nono ni xine hekutsukiyi pe qhi puaghi aye khuuno nono kileqhive nikeu lono pokulupu kya?

⁴ Ikemu nono ni kipimi qhivetsu, ikehu ninguye ojupe akumzaqhiyi puthugho anike.

⁵ AMPEU wu akukuphu niye aghuiloqhiyi huqhe-a, eno patsa ino pukhue.

⁶ Niye aghukhemino tsukutho khekulhoshi akeu nguno alaushi AMPEU kheani, iye aghukhemino tsukutho khekeu nguno alaushi kheanike.

⁷ Israil, AMPEU pukhulo kughengu pa kikimiye ye iqemoke, eno Paye alhokuthu panoqo xalutsu nishi ani.

⁸ Pano pawu timi Israilmi axine launo xachileluve nani.