LESHELE 13 - BAIBEL (BSI)

Kuphupenikeu Kighini

¹ O AMPEU, noye khitotohi ikumsuma auve akya? Alhokupuju kesha? Noye ilauno khitotohi ogi kusupe auvea kya?

² Niye shiluksa khitotohi pu-a lopi kya? eno khitotohi amlo kusano puthopucho imlo chhitoi alopi kya? Ighumiye ishou khitotohi ajepipi alopi kya?

³ Ilheju tsulo eno ikhochile tsulo, O AMPEU iLhou; Inhethi xukholu pelo ino akithi pushi zuhuve nosake.

⁴ Ighumi pelo, “Nino pa shou toluvae” ipi pipe kevilo. Ino ikiqi keulo ighumi pelo aloqive pe kevilo.

⁵ Ikemu niye owu iqemokeu kikimiye shou pukhube acheni; Owu xakululo imlono alovi ani.

⁶ Ino oshe alepheni, O AMPEU; kughengu nono akivi kupukunoshi itsuke.