LESHELE 128 - BAIBEL (BSI)

AMPEU Ghokulu Saxu

¹ AMPEU sumsano pa laghilo chekemi lokivipue, khunono pa zahkutsu gholuni keno alokivipue.

² Noye olikhi ouno mlaqhikulu xathi chulu nani; noye alokivi shi nani eno kinikulu shilu nani.

³ Onipuye atsayibo athi kutomo pithi chekeu toi akibolo anani, eno onuliqoye oliv subo khuni toi aghulhu lupalo anani.

⁴ Khunono AMPEU ghokulu shini keno kuchouno hitoi kumghatsu nani.

⁵ AMPEU pelo Zion lono nongu kumghatsu peniu! Okuxu kupuju Jerusalem kinikulu opelo ithulu apeniu!

⁶ Noye otianuli tianguliqo kutolo ithulu kepushi axushu peniu! Israilmi lau alokughuno shilu pelo!