LESHELE 127 - BAIBEL (BSI)

Alhou Kivi Shekiqhe

¹ AMPEU no aki shiqhepuku tsumo aye aki kishimi ju kupuka adou; AMPEU no aphughi susho tsumo aye, aghukheuno kheakeu adouke.

² Xu anike ghenguno aka-aghashi mla anikepi itheno ithuve eno munu zu ishikeu adouke, eno ichhe-ime mlakeu lono achuqupu chu ishikeu adouke; kughengu AMPEU no pano kimiye kemi pelo zuhukulupu tsucheni.

³ Atianuliye AMPEU launo ighikeu mheghikivike; panonguye kukumgha kuchouke.

⁴ Timino alhothe lono anu shikuluye ghushimi ulo apiji ake toike.

⁵ Timi khunono hikithipu apijibo chhitoi ani keno tipano lokivipue. Kughono kughakutha-alo pa ghumi sasu kushoni keno paye khilemu tomokeu shimoe.