LESHELE 120 - BAIBEL (BSI)

Kuphupenikeu Kighini

¹ Ino shiluksa shiakelo niye AMPEU kue, eno pano ikhochile tsu.

² O AMPEU, kimkimi ngo pishikiqhimi launo ixalulo.

³ Nongu kimkimiqo, Alhou ye nongu lau kiu shini kya? paye kishi nongu ghimeni kya?

⁴ Ghushimino pechekeu piji mili eno amiyi huchuyi pitiakeu pesu nongu ghime nani.

⁵ Nongu gholo xunikeuye Meshek lo alhoksa shi xuake toike, momu Kedar timiqo gholo aketoi.

⁶ Niye ado shulokutu alashikeu mithi chekemi gholo xuauvae!

⁷ Kughono ino alakishi tsa pini keno, panonguye aghu shinikeu tsa pike.