LESHELE 110 - BAIBEL (BSI)

AMPEU no Kishekulu Akukau

¹ AMPEU no impeu akukau vilo pi, “Iu ajeu hile iqalo ino aghumiqo pesu opukhu qholo qhitsumoke kuto.”

² AMPEU no Zion lono nono ayehpe akeu kuka pekho tsu nani. “Oghumiqo shou ayehpelo” ipi pano pike.

³ Nono oghumi sasu aghushike tsala lono owu timino oghenguno wuni keu ighi nani. Inaqhe tsuzu toi owu lhothemiqo no akimthe toghilo olau ighi nani.

⁴ AMPEU no tsaquikeu shoqhi shivae eno tipau ikhichileluvemo nani. “Noye Melkhizedek chine ghola lono alhokupujulo achineu lakhi shiniake.”

⁵ AMPEU ye o-u ajeu kudau ani; kughou pano aloghu idenikeno kukami haleluve nani.

⁶ Pano ashiayehqo shou kughakutha puwu nani eno aghukishi alo akithi kumono chhive nani, pano ayeghilo kukami kumtsu haleluve nani.

⁷ Akukauye alalo aghoki akeu lono azu yelu nani, eno shikumtolu puzu pano tokulushi puthugho nani.