LESHELE 11 - BAIBEL (BSI)

AMPEU Pukhukulu

¹ AMPEU no isusholue; kishipuzu noye ivilo, “Nowu naghutolo aghau toi yeuvelo;

² kughengu kixikilamino zumoike lono kivimi veqhiniye pano suzu piqeluvae eno pano-piji mijipe auvae.

³ Kughono kuchou boqha ipopinyiveni keno kivimi lakhiye kiumu shimlake” ipi pini kya?

⁴ AMPEU ye pa chineki kimthelo ani pa kuka lakhuye kungughalo ani. Paye timi nuliqo jukuto acheni eno panonguno kiu shikeno ithi acheni.

⁵ AMPEU no achipiu shichekemi ngo kixikilami lheju cheni; pa ngulho kumtsuno ayezah hekuxami mithi cheni.

⁶ Kixikilami shou pano amiyi kuiqu ngo amichu ghuqhi puku cheni; Pitipuzakeu mulhu pesu panoqo saje shitsu cheni.

⁷ AMPEU ye amikuchoke eno akumla kivi shikeu kimiye cheni; khuno tipaqo shicheni keno pa zulo xulu nani.