Diproverbia 12 - BIBELE

¹ Ya ratang ho lauwa o rata tsebo, ya hloileng ho kgalengwa ke phoofolo ya naha;

² ya lokileng Morena o a mo hauhela, ya merero e mebe yena o a mo ahlola.

³ Bokgopo ha bo ke be bo bope motho, ba lokileng bona ba ke ke ba sisinngwa.

⁴ Mosadi ya lokileng ke moqhaka ho monna wa hae, ya hlabisang dihlong yena ke mofetshe, ke mofetshe o jang monna hae masapo.

⁵ Merero ya ya lokileng e nepahetse, keletso tsa ya kgopo di tletse thetso.

⁶ Polelo tsa ya kgopo ke maraba a ho bolaya, empa tsa ya lokileng tsona di a pholosa.

⁷ Ho hlolwa ha ba kgopo ke ho fela ha bona, athe lapa la ya lokileng lona le tiya kamehla.

⁸ Motho o babatswa ka baka la bohlale ba hae, empa ya pelo e kgopo yena o a nyediswa.

⁹ Ho molemo ho nyatswa o ena le kgoba le le leng, ho ena le ho hlomphuwa o bolawa ke tlala.

¹⁰ Ya lokileng o baballa phoofolo ya hae, mohau wa ya kgopo o kwetlile sehloho.

¹¹ Ya lemang masimo a hae o tla tjhaya haholo, ya pheellang mafeela yena o hloka kelello.

¹² Ya kgopo o labalabela qhoqha ya mahahapa, empa ya lokileng yena o a atleha.

¹³ Motho ya kgopo puo tse mpe tsa hae di a mo kgata, empa ya lokileng yena o phema tsietsi.

¹⁴ Motho e mong o atlehiswa ke dipuo tsa hae, athe e mong o putswa ho ya ka mesebetsi ya hae.

¹⁵ Tsela ya sethoto e bonahala e lokile ho sona, empa ya bohlale o amohela keletso.

¹⁶ Sethoto se sitwa ho itshwara ha se halefa, empa ya bohlale o iphapanyetsa dikgopiso.

¹⁷ Paki ya sebele e bua nnete eo e e tsebang, empa ya bohata yona e bua leshano.

¹⁸ Polelo tsa ya phasolohang di hlaba jwaloka sabole, leleme la ya bohlale lona le a fodisa.

¹⁹ Polelo tsa nnete di hlola kamehla, athe leshano ha le na mokoka.

²⁰ Pelong tsa ba rerang bobe ho tletse thetso, empa tsa ba rerang kgotso tsona di tletse thabo.

²¹ Ba lokileng ba ke ke ba hlahelwa ke ditsietsi, empa ba kgopo ba tla aparelwa ke bobe.

²² Morena o hloile motho ya buang leshano, empa ya buang nnete yena o a mo thabisa.

²³ Mohlalefi ha a boledisake tsebo ya hae, sethoto sona se pepesa bothoto ba sona.

²⁴ Ya sebetsang ka thata ke yena ya tla busa, empa sekgoba sona se tla fetoha lekgoba.

²⁵ Ho feha matshwafo ho nyahamisa pelo ya motho, polelo e monate yona e a e thoba.

²⁶ Ya lokileng ke mohlala ho ba ahisaneng le yena, ba kgopo ba tsamaya tseleng e kgelosang.

²⁷ Sekgoba se kgutla tsholong se itlhophere, athe tjhai ya sehwai e sasamatsa disiu.

²⁸ Tsela tse lokileng di isa bophelong, di kutlehile hantle, ha di ise timelong.