Dipesaleme 99 - BIBELE

Morena ke kgosi e ratang toka

¹ Morena ke kgosi, ditjhaba di a thothomela; o dutse hodima dikerubime, lefatshe le a reketla.

² Morena o moholo, Sione, o okametse ditjhaba tsohle.

³ Ho bokwe lebitso la hao le leholo, le a tshabeha, le a halalela.

⁴ O kgosi e matla, e ratang toka; ke wena ya theileng ho loka, wa tlisetsa leloko la Jakobo toka le ho loka.

⁵ Phafang Morena, Modimo wa rona, le itihele bonamelong ba maoto a hae: O a halalela.

⁶ Moshe le Arone e ne e le ba bang ba baprista ba hae, Samuele e le e mong wa ba rapelang lebitso la hae. Ba ipiletsa ho Morena, mme a ba araba,

⁷ a bua le bona a le hara leru; ba boloka ditemoso tsa hae, le ditaelo tseo a ba fileng tsona.

⁸ Morena Modimo wa rona, o nnile wa ba araba, wa ba Modimo ya ba tshwarelang, ya mpang a ba otla ka baka la bokgopo ba bona.

⁹ Phafang Morena Modimo wa rona, le mo kgumamele thabeng, thabeng ya hae e halalelang; hobane Morena Modimo wa rona, o a halalela.