Dipesaleme 146 - BIBELE

Lehlohonolo la ya tshepang Morena

¹ Haleluja! Boka Morena, wena moya wa ka!

² Ke tla rorisa Morena ha ke ntse ke phela; ke tla roka Modimo wa ka bophelong ba ka bohle.

³ Le se ke la tshepa mahosana, leha e le motho ya se nang matla, matla a ho pholosa.

⁴ Hoba a neele moya, motho o kgutlela mobung; ka lona tsatsi leo merero ya hae e a fela.

⁵ Ho lehlohonolo eo Modimo wa Jakobo e leng thuso ya hae; eo Morena Modimo wa hae, e leng tshepo ya hae.

⁶ Ke yena ya entseng mahodimo le lefatshe, lewatle le tsohle tse ho lona. O tshepahala kamehla,

⁷ o ahlolela ba hateletsweng, o fepa ba lapileng; Morena o lokolla batlamuwa,

⁸ Morena o tutubolla mahlo a difofu. Morena o phahamisa ba kgokgopaneng; Morena o rata ba lokileng.

⁹ Morena o sireletsa bajaki, o thusa kgutsana le mohlolohadi, athe merero ya ba kgopo o a e nyopisa.

¹⁰ Morena o busa kamehla yohle; Modimo wa hao, Sione, ke wa meloko yohle. Haleluja!