Dipesaleme 142 - BIBELE

Thapelo ya motshwaruwa

¹ Pesalema ya Davida ha a le ka lehaheng. Thothokiso e nang le thuto; thapelo.

² Ke lla ho Morena ka lentswe le phahameng, ke etsa thapedi ho Morena ka lentswe le phahameng.

³ Ke hlahisa sello sa ka, ke se hlahisa kapele ho yena, ke bea tsietsi ya ka kapele ho yena.

⁴ Ha moya wa ka o imetswe, wena o tseba tsela ya ka. Tseleng eo ke tsamayang ho yona ba ntjhehetse sefi.

⁵ Ke tadima ka tsohong la ka le letona: Ha ho ya ntsotellang; ha ho moo nka tshabelang teng, ha ho motho ya nnatsang.

⁶ Morena, ke lla ho wena, ke re: “Ke wena setshabelo sa ka, o kabelo ya ka lefatsheng la ba phelang.”

⁷ Ako mamele sello sa ka, hobane ke kokobeditswe haholo. Nnamolele ho ba ntlhorisang, hobane ba mpheta ka matla.

⁸ Ako nntshe tjhankaneng, ke tle ke boke lebitso la hao. Ba lokileng ba tla mpokanela, hoba o tla be o ntswetse molemo.