Dipesaleme 130 - BIBELE

Thapelo e kopang kgauhelo

¹ Sefela sa ho nyolohela Jerusalema. Ke ipiletsa ho wena Morena, ke le tlasetlase.

² Morena, ako utlwe lentswe la ka! Tsebe tsa hao di ke di mamele ha ke etsa thapedi ya ka.

³ Morena, ha o tshwaya diphoso, o tshwaya phoso tsa rona, ke mang, Morena, ya ka phelang?

⁴ Empa wena o a re tshwarela, e le hore re tle re o hlomphe.

⁵ Ke tshepile Morena, moya wa ka o tshepile lentswe la hae.

⁶ Moya wa ka o lebeletse Morena, ho feta balebedi ba lebeletseng meso, e, ho feta balebedi ba lebeletseng meso.

⁷ Iseraele a ke a lebelle Morena, hobane Morena o mohau, o na le topollo e kgolo.

⁸ Ke yena ya tla lopolla Iseraele bokgopong bohle ba hae.