Dipesaleme 12 - BIBELE

Thapelo ya ho ikopela thuso

¹ Pesalema ya Davida. Taelo ho motsamaisi wa dibini: E binwe ka seletsa se kgwele di robedi.

² Re pholose Morena, batshepuwa ba fedile; botshepehi ha bo sa le yo ho bana ba batho.

³ Batho ba bolellana mashano, maleme a bona a monate, empa ke bo-temepedi.

⁴ Morena a ke a fedise bohle, bohle ba maleme a monate, le bohle ba melomo e ikakasang,

⁵ e leng batho ba reng: “Re tla hlola ka maleme a rona; re tseba ho ipuella, ke mang ya ka re busang?”

⁶ Morena o re: “Ka baka la ho tujwa ha bahlophehi, le la ho dumaela ha mafutsana, jwale ke kena dipakeng; ke tla ba fa pholoho eo ba e hloretseng.”

⁷ Dipolelo tsa Morena ke dipolelo tse hlwekileng, di ka silefera e qhibidisitsweng seboping, silefera e hlwekisitsweng hasupa.

⁸ Ke wena Morena, ya re lebelang, ya re sireletsang kamehla molokong ona,

⁹ ho ba kgopo ba tletseng hohle, ha bosoro bo totile hara bana ba batho.