Diproverbia 9 - Sesotho 1909/1961 (SO)

¹ Bohlale bo hahile ntlo ya jona ka ditshiya tse supileng tse betlisitsweng hantle.

² Bo hlabile dikgomo tsa jona, bo tswakile veine, bo tekile le tafole ya jona.

³ Bo romile makgabunyane a jona ho mema, le bona bo eme mahareng a motse, bo a tlerola, bo re:

⁴ He! ya sethoto ke mang? a fapohele kwano!

⁵ Le ho ba hlokang kelello bo re: Tloong, le je bohobe ba ka, le nwe le veine eo ke e tswakileng.

⁶ Le hlobohe bothoto, mme le tla phela, le tsamaye tseleng ya hlalefo.

⁷ Ya layang mosomi o ipatlela sekgobo, ya kgalemelang e mobe le yena o ya hlomphollwa.

⁸ O se ke wa laya mosomi, esere mohlomong a o hloya; o laye mohlalefi, yena o tla o rata.

⁹ Ruta ya nang le kelello, o tla eketsa ho hlalefa. O rute ya lokileng, o tla ekelletswa tsebo.

¹⁰ Qalo ya bohlale ke ho tshaba Jehova; ho tseba Ya halalelang ke hlalefo.

¹¹ Hobane ke ka nna ditshiu tsa hao di tla atiswa, dilemo tsa ho phela ha hao di lelefatswe.

¹² Ha o hlalefile, ke wena o tla thuswa ke hlalefo ya hao; empa ha o le mosomi, ke wena o nnotshi o tla senyehelwa.

¹³ Bowatla ke mosadi ya lerata; ha bo na pelokeletsi, ha bo na tsebo.

¹⁴ Bo dula pela monyako wa ntlo ya bona monamong le diphahameng tsa motse,

¹⁵ ho howeletsa ba fetang ka tsela, ba tsamayang ka ho loka; bo re:

¹⁶ Ya leebelo a fapohele kwano; mme ho sethoto bo re:

¹⁷ Metsi a utsuwang a monate, le bohobe bo jewang ka sephiring bo a hlabosa.

¹⁸ Athe eo ha a tsebe hobane ke moo bafu ba leng teng, le hoba ba lallang le bona ba mohohlong wa nqalo ya bafu.