Zabura 136 - Sabon Rai Don Kowa 2020

Zabura 136

¹ Ku yi godiya ga Ubangiji, gama nagari ne shi. Ƙaunarsa madawwamiya ce.

² Ku yi godiya ga Allahn alloli. Ƙaunarsa madawwamiya ce.

³ Ku yi godiya ga Ubangijin iyayengiji. Ƙaunarsa madawwamiya ce.

⁴ Gare shi wanda shi kaɗai yake aikata abubuwan banmamaki, Ƙaunarsa madawwamiya ce.

⁵ Wanda ta wurin ganewarsa ya yi sammai, Ƙaunarsa madawwamiya ce.

⁶ Wanda ya shimfiɗa duniya a kan ruwaye, Ƙaunarsa madawwamiya ce.

⁷ Wanda ya yi manyan haskoki, Ƙaunarsa madawwamiya ce.

⁸ Rana don tă yi mulkin yini, Ƙaunarsa madawwamiya ce.

⁹ Wata da taurari kuma don su yi mulkin dare; Ƙaunarsa madawwamiya ce.

¹⁰ Gare shi wanda ya kashe ’ya’yan fari Masar Ƙaunarsa madawwamiya ce.

¹¹ Ya kuma fitar da Isra’ila daga cikinsu Ƙaunarsa madawwamiya ce.

¹² Da hannu mai ƙarfi da hannu mai iko; Ƙaunarsa madawwamiya ce.

¹³ Gare shi wanda ya raba Jan Teku biyu Ƙaunarsa madawwamiya ce.

¹⁴ Ya kawo Isra’ila ta tsakiyarsa, Ƙaunarsa madawwamiya ce.

¹⁵ Amma ya share Fir’auna da mayaƙansa cikin Jan Teku; Ƙaunarsa madawwamiya ce.

¹⁶ Gare shi wanda ya bi da mutanensa cikin hamada, Ƙaunarsa madawwamiya ce.

¹⁷ Wanda ya buge manyan sarakuna, Ƙaunarsa madawwamiya ce.

¹⁸ Ya karkashe manyan sarakuna, Ƙaunarsa madawwamiya ce.

¹⁹ Sihon sarkin Amoriyawa Ƙaunarsa madawwamiya ce.

²⁰ Da kuma Og sarkin Bashan, Ƙaunarsa madawwamiya ce.

²¹ Ya kuma ba da ƙasarsu gādo, Ƙaunarsa madawwamiya ce.

²² Gādo ga bawansa Isra’ila; Ƙaunarsa madawwamiya ce.

²³ Shi wanda ya tuna da mu cikin ƙasƙancinmu Ƙaunarsa madawwamiya ce.

²⁴ Ya kuma ’yantar da mu daga abokan gābanmu, Ƙaunarsa madawwamiya ce.

²⁵ Wanda kuma ke ba da abinci ga kowace halitta. Ƙaunarsa madawwamiya ce.

²⁶ Ku yi godiya ga Allah na sama. Ƙaunarsa madawwamiya ce.