Zabura 131 - Sabon Rai Don Kowa 2020

Zabura 131

Waƙar haurawa. Ta Dawuda.

¹ Zuciyata ba mai girman kai ba ce, ya Ubangiji, idanuna ba sa fariya; ban dami kaina da manyan al’amura ba ko abubuwan da suka sha ƙarfina.

² Amma na haƙura na kuma kwantar da raina; kamar yaron da aka yaye tare da mahaifiyarsa, kamar yaron da aka yaye haka raina yake a cikina.

³ Ya Isra’ila, sa zuciyarka ga Ubangiji yanzu da har abada kuma.