इब्रानियों 1 - Sirmouri

पंण्मिश्वर का बचन, बैटे के जाँणें

¹ पुराँणे जबाने दी पंण्मिश्वर ऐ आप्णें ऋषी के जाँणें कई बख्ते अरह् कई ढंग शी तिन्ऐं अमाँरे नाँना-बाबा आरी बात-चीत्त करी,

² ईनू आखरी के देसो दे पंण्मिश्वर बैटे के जाँणें; आँमों आरी बात-चीत्त करी, जेसी तिन्ऐं बादी चींजो का हंकदार बाँणा, अरह् तिनके के जाँणें, तिन्ऐं बादी संईसारी की रचणाँ करी।

³ सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

⁴ तिनका पद्-भार स्वर्गदूत्तों शा भे जादा असो; किन्देंखे के जुण्जा हंक-अधिकार तिनू हंकदार बंणियों भेटा, ऐजा हंक-अधिकार स्वर्गोदूत्तों शा भे बड़ा असो।

पंण्मिश्वर के बैटे की बड़ियाऐ

⁵ किन्देंखे के पंण्मिश्वर ऐ कोसी भी स्वर्गदूत्तों खे ऐष्णों कद्दी ने बुली: के “तू मेरा बैटा असो, ऐत्त्लो तू मुँह शा प्‍यदा हुआ?” अरह् तबे ऐजो कैथी ओक्त्ते भे बुलो गुओं के, “हाँव ऐस्का बाबा हंदा?” “अरह् ऐ मेरा बैटा हंदा?”

⁶ अरह् तबे से आप्णाँ जैठा बैटा संईसारी के सहाँम्णें हाजीर कर्दे बख्त्ते बुलो: “पंण्मिश्वर के बादे स्वर्गदूत्त तेस्खे लाँम्बे पसरियों प्रणाँम करह्।”

⁷ स्वर्गदूत्तो के बारे दा तिनका ऐजा बुल्णाँ असो: के “से आप्णें स्वर्गदूत्त बागुरी दे, अरह् आप्णे दास-सेंवक आगी के लंहयारे दे बंद्ल़ी देले।”

⁸ परह् बैटे के बारे दो से ऐजो बुलो: “पंण्मिश्वर! तेरो सिंगास्ण ज़ूगौ-ज़ूगौ का असो, अरह् तुऐं आप्णें राज का अंधिकार नियाँव आरी कर्दे।

⁹ तुँऐं धार्मिक्त्ता को साथ दितों, अरह् अधर्म शी नंफरत करी तअ।” “तुवाँरे साथीं मुँझ़्शे मुँऐ तुओं च़ूणीं-छ़ाँटियों आँनन्द-खुशी के तेल शा तुओं अभिषेक करी थुवा।”

¹⁰ अरह्, “हे प्रभू, तुऐं शुरू दे धर्ती के नींव-पंह् थंऐ, अरह् अकाषमंण्डल़ तुवाँरे ही हाथौ की कारीगरी असो।

¹¹ सेजो संब-कुछ तअ नंष्ट हंऐ ज़ाँदो; परह् तुवाँरा बुल-बाला सदा रंह्दा: सेजो संब-कुछ़ खोट्णों जेष्णों पुराँणों हऐं ज़ाँदो।

¹² परह् तुऐ तिनकी चादरी जैऐ मेंठीं देंदे: अरह् तिनू खोट्णों जिऐं बद्ली देंदे: परह् तुऐ तेष्णें ही रंह्दें; किन्देंखे के तुवाँरे जीवन का अंन्त्त कोद्दी ने हंदी।”

¹³ भला कोसी स्वर्गदूत्त खे पंण्मिश्वर ऐ ऐजों बुलो: के “तू मेरे सोऐं ढबे बईठ, जाँव तोड़ी के हाँव तेरे बऐरी तेरी लातो थाई का पीड़ा-पाट्ड़ा ने बाँणीं देऊँ?”

¹⁴ कियों बादे स्वर्गदूत्त सेवा कर्णो खे च़ूणीं-छ़ाँटी अंदी आत्त्माँऐ आथी ने; के से तिनकी सेंवा करह् जिनखे छ़ुट्कारा भेंट्णों वाल़ा असो?