२ यूहन्ना 1 - घले नयाँ करार1 ङ एल्डरदे, परमेश्वरदे सेलेब मदीचीमी मेस्ये ङूजे च-चीमीयूने, नमयूने तम्दम्ने माया चीक्क्य, तर ङैदेत्याये दी, सत्यने स्येब क्वादेने प्रेम चीक्क्य। 2 चेनेयलो सत्य ङीनप्रे ख्यङ् मेस्ये हम्ब येतार्ने ङीनप्रे क्यूक्क्य। हम्बजे लागि नमयूने प्रेम चीक्क्य। 3 प परमेश्वर, मेस्ये ङूजे च येशू ख्रीष्टदे पीनब अनुग्रह, कृपा मेस्ये शान्ति ङीनप्रे सत्य मेस्ये प्रेमने क्यूक्य। सत्य मेस्ये प्रेम 4 प परमेश्वरदे ङीनने पीनब आज्ञा अनुसार नैजे च-चीमीयू नङ्ने कोइ सत्यने प्रेनब तूदेबे ङैजे सेम् सोरो आनन्द ख्यङ्। 5 परमेश्वरदे छेब मदीचीमी, ङैदे नने आज्ञा सर् लिख्दे दी, तर कम्ब आज्ञा सुरुमेस्येने ङीनप्रे ख्य हम्बने लिख्दीन ख्यङ्– ङीन त्यादे त्याने प्रेम चेपर्तीय यदेबे ङ नने बिन्ती चीक्क्य। 6 प्रेम चेबब परमेश्वरजे आज्ञा अनुसार जीया चब ख्यङ्। नदे तब सुरुमेस्येजे आज्ञा अम्बने ख्यङ्, नमयू क्वाने प्रेम चीत्देबे टूङ पर्दीय। 7 चेनेयलो धोका पीनबयू कूम मीयू अम्ब संसारने रेक ख्यङ्, थमयूदे येशू ख्रीष्ट मीप्र क्यूत्देबे ङ्वने रख्यङ् यब पोने विश्वास अन्ची। येर मीयू छल् चेब मेस्ये ख्रीष्टजे विरोध चेब ख्यङ्। 8 होस्स्यार क्यूत्देबे टूङ्, चैजे लागि नमयू काम फर्न ख्यङ्, हम्ब काम अन्क्यापीलाची तर पूरा इनाम प्रेख्वब क्यूरो। 9 ख्रीष्टदे लोम्मेब शिक्षाने अम्मन्दीलाबे सूजो शिक्षा मन्देब मीयूप्रे परमेश्वर क्यूस्स्ये त्वो, तर ख्रीष्टदे लोम्मेब शिक्षा मन्दीनब मीप्रे प परमेश्वर मेस्ये ङूजे च थम फीनीने क्यूक्क्य। 10 कादेये नमयू ट्याने रदेबे ख्रीष्टदे लोम्मेब शिक्षायू अन्लोम्मीलाबे सूजो शिक्षायू लोम्मीदेयलो हम्बने कीम्ने गेसेन् चीत्देबे स्वागत अन्चील्लाची। हम्बने नमस्कारये अन्चील्लाची। 11 चेनेयलो हम्बने नमस्कार चेब मी हम्बदे चेब अन्ज्य कामयूने सामेल् क्यूरब क्यूक्क्य। आखिरीजे नमस्कार 12 ङैदे नमयूने लिख्देपर्देब कूम पोयू ख्य, तर हम्ब कापी प्रे मसीदे लिख्देस्ये अम्मन्। तर ङीनयूजे आनन्द पूरा क्यूस्स्य यदेबे ङ नमयू ट्यानेने रीय मेस्ये तूदेबे बात् सेस्स्ये यदेबे अस्रो चीन्न ख्यङ्। 13 परमेश्वरदे सेलेब नैजे मोजे च-चीमीयूदे नने नमस्कार येबे ख्यङ्। |
Ghale New Testament © Nepal Bible Society, 2011.
Nepal Bible Society