I Yoannes 4_1 - SOMA CHHAD - CHHAMBO

¹ Wahunik rinchanun sems rere saqika machheshik dobasang Semsun Ashipi rollana yongskhan ina mena zere thiks chadshik! Chiazerbana rdzoni khyenkhan mangmo bingse miyuliang yongsed.

² Ashipi semspo khyentanga detsuga ngozin chhok: sems rere saqis Yeshu Masih rgo ldane yongsed zere in zes narek do Ashipi rollana in.

³ Yang Yeshua men zerkhan sems rere saq Ashipi rollana men, yang dyanao de sperao khyentanga snanla gokhan yang kho yongchn yod doba-sang dareang miyuliang yod zere zeskhan Masihi loqpar yodkhani sems in.

⁴ Wahunik phrûn! Khyentang Ashipi derna in yang khongunika losed chiazerbana khyentiang yodkhanpo miyuliang yodkhanpo basang chhopo in.

⁵ Khongun miyuliangna in, di phya miyuli zerzo zered yang miyulis khonguni tamun la kosa bed.

⁶ Ngantang Ashipi derna in, Ashipa sheskhanpos nganti tamuni kosa bed Ashipi derna menkhanpos nganti tamuni kosa bamed; dyanekana ngantanga Mantaḵẖsi semspo nang lamstorla tangkhan semspo ngozin chhed.

⁷ Wahunik rinchanun, ngantes ngantang chikchiga rgaluks jaqpa rgos chiazerbana rgalukspo Ashipi rollana in, yang rgaluks jaqkhanpo Ashipikana skyeskhan in yang Ashipa sheskhan in.

⁸ Rgaluks majaqskhanpoe Ashipa shespamed chiazerbana Ashipa rgaluks in.

⁹ Ashipa ngantang na yodkhan rgalukspo dikana ngozin song chizesna Ashipas rangi Rshras chikchikpo ngantang khores base sone lushi phya miyuliang sals.

¹⁰ Diang rga-luks yod : Ngantes Ashipa na rgaluks baspeang rgaluks med, dobasang khos ngantangna rgaluks baspeang yod yang nganti nyespauni phya rangi Rshraspo zomshukkhanis Khraqskal ldane sals.

¹¹ Wahunik rgakhanun Ashipas ngantanga dyatsoḵẖs rgaluks baspana pharla ngantangang ngantang chikchiga rgaluks jaqpa rgosha song.

¹² Ashipa mana gathoeka suaang mathong; taqdir ngantes ngantang chikchiga rgaluks jaqsna, ni Ashipa ngantiang jukse yod yang khoe rgalukspo nganti snyingang thsangskhan songsed.

¹³ Khos rangi Semsikana ngantanga salbana ngantanga ngantang khoeang yang kho ngantiang rshtane lushao rshtaḵẖspa chhed.

¹⁴ Yang ngacha-a Ataos Rshraspo miyulpo khomchukpi phya salspao thongsed yang chnebji tanged.

¹⁵ Mana gasus Yeshu Ashipi Rshras in zere khraqsna Ashipa khoeang jukse yod yang kho Ashipiang dukse yod.

¹⁶ Ashipi ngantang nanyambo yodkhan rgalukspo ngantanga rshtaḵẖspa songsed, yang ngantes deka chhesluks based, Ashipa rgaluks in yang rgaluksiang rshtane dukkhanpo Ashipiang rshtane duged yang Ashipa khoeang rshtane duged.

¹⁷ Kho yodpao na tsoḵẖspo miyuliang ngantangang dukpi phya ngantanga shaḵẖs phe jaqa snyingan chhe phya rgalukspo ngantiang thsangskhan songsed.

¹⁸ Rgaluksiang jiksmo dukpamed dobasang rshtanpo rgaluksis jiksmo phingse tanged. Chiazerbana jiksmoekana naḵẖs thonged, yang jiksen dukkhanpo rgaluksiang thsangskhan songspamed.

¹⁹ Ngantes diphya rgaluks jaqed chiazerbana Ashipa snanla ngantang nanyambo rgaluks jaqs.

²⁰ Taqdir suchigis ngas Ashipa na rgaluks jaqed zesna, yang khos rangi phono na khon jaqsna ni kho rdzonma in, chiazerbana rangi thongskhan phono na rgaluks majaqskhanpoa khoranga mathongskhan Ashipa na rgaluks jaqpa gatsuga nyanuk ?

²¹ Yang ngantanga khoe rollana Ashipa na rgaluks jaqskhanpoa rangi phono na rgaluks jaqkhanpoa rangi phono na rgaluks jaqpargos zerbi skalskhanpo thobsed.